Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Qetësi, dritë dhe spiritualitet: Manastiri i Klisurës “Shën е Premtja” në dimër

Foto: Veneta Nikollova

I ngulitur mes kodrave të malit Ljulin, Manastiri i Klisurës “Shën е Premtja” është i mbuluar nga misteri dhe spiritualiteti. Ai ndodhet vetëm 7 km larg qytetit turistik  Bankja, në afërsi të fshatit Klisura. Dimri është koha kur manastiri i shenjtë duket se zhytet edhe më thellë në heshtje, larg zhurmës së kësaj bote.

Ndërsa ecim përgjatë rrugës së ngushtë për në manastir, vështrimi ynë bie mbi kodrat e mbuluara nga ngrica, që shkëlqejnë nën diellin e dimrit. Sapo kalojmë nëpër portën e lartë të manastirit, na mbështjell aroma e drurit të djegur nga sobat e manastirit, temjani dhe dylli.

Ajri i ftohtë pret si thikë dhe bora nën këmbët tona kërcitet lehtë. Shëtisim nëpër oborrin e mirëmbajtur dhe arrijmë përballë derës së kishës së vogël të manastirit. Ngrohtësia depërton nga dera e hapur - sikur të na fton të hyjmë, por jo vetëm për t'u ngrohur, por edhe për të ndezur një qiri. Dhe të shohim afresket, të cilat duket sikur dridhen pak nga drita dhe hijet e qirinjve.

Themeluar në shekullin e XIII-të, manastiri ishte qendra shpirtërore e cila bashkonte manastire të shumta në të ashtuquajturin Mali i Shenjtë i Sofjes.Sipas legjendës, pikërisht këtu në vitin 1238 u ndal procesioni që mbante lipsanet e Shën të Premtes së Bullgarisë në qytetin Tërnovo, me urdhër të Mbretit Ivan Asen II (1218 – 24 qershor 1241). Kështu vendi u shenjtërua nga lipsanet e shenjtores dhe kjo i frymëzoi të krishterët vendas të ndërtonin një kishë këtu.

Megjithatë, manastiri sikur ishte i shënuar nga një fat tragjik. Në shekullin e XIX-të, një zjarr i madh asgjësoi arkivin dhe bibliotekën e tij të çmuar dhe kisha e vjetër u shemb. Rimëkëmbja e Manastirit "Shën të Premtes" filloi në shekullin e XX-të, kur një grup murgeshash ruse mbërritën në Bullgari. Në krye të tyre ishte murgesha Maria Doktorova (1896-1978), e njohur në jetën laike si Lidija Nikollaevna. Pasi Igumenia Maria e zbuloi prirjen shpirtërore ndaj  Zotit brenda viteve ajo jetonte në manastire të ndryshme në Rumani, Jugosllavi, Shqipëri dhe përfundoi rrugëtimin e jetës së saj në Bullgari, mes kodrave të malit Ljulin. Dhe duke u vendosur këtu ajo filloi restaurimin e manastirit. Nën kujdesin e saj të përkushtuar, kisha “Shën e Premtja Tërnovska” u rinovua në vitin 1954. Një murg rus, emri i të cilit mbetet i panjohur, u ftua për të pikturuar muret. Afresket e bukura paraqesin shenjtorë bullgarë dhe rusë me gjatësi të plotë, si dhe skena biblike dhe jetësore.

Manastiri vazhdoi të zhvillohej еdhе në shekullin e XXI-të, kur në oborr u ndërtua Rotonda e gjerë "Hyrja e Hyjlindëses Mari në Tempull",me projekt të arkitektes Cvetanka Razsollkova.

Muret e jashtme të zonës së banimit janë të mbuluara me citate biblike që rrisin ndjenjën e forcës shpirtërore, pastërtisë dhe shenjtërisë.

Për manastirin që nga viti 2002 përkujdeset Igumenia Fillotea, së bashku me murgesha të tjera. Ato mirëpresin vizitorët që ndalojnë këtu për të ndezur një qiri dhe për të kërkuar vetminë, larg zhurmës së jetës së përditshme. Si një vend i shënuar me shekuj, ku ndërthuren e kaluara dhe e tashmja, Manastiri i Klisurës "Shën e Premtja" është një nga vendet e shenjta të shquara bullgare, simbol i besimit dhe i përjetësisë së shpirtit.

Më shumë për manastiret në Bullgari mund të lexoni në koleksionin e Radio Bullgarisë:

Përgatiti në shqip dhe publikoi: Svetllana Dimitrova

Foto: Veneta Nikollova


Последвайте ни и в Google News Showcase, за да научите най-важното от деня!

Më shumë nga rubrika

Foto: Muzeu Historik Rajonal - Ruse

Kishat shkëmbore dhe akuariumi më i madh i ujërave të ëmbla – Muzeu i Ruses tërheq gjithnjë e më shumë vizitorë

Ka një interes në rritje për ekspozitat dhe ngjarjet e Muzeut Historik Rajonal në Ruse. Gjatë 12 muajve të fundit, 95 966 persona kanë kaluar nëpër hapësirat muzeale, që është 5209 persona më shumë se në vitin 2023 – raporton institucioni në faqen e tij..

botuar më 25-01-19 7.10.PD

Bullgaria në hartën dimërore: qendrat tona të skive po punojnë me kapacitet të plotë

Sivjet sezoni i skive në Bullgari filloi më herët se zakonisht falë bora e rënë. Në Bansko sezoni u hap në ditët e para të dhjetorit, dhe fillimi zyrtar u vu një javë më vonë. Edhe zonat e tjera të skijimit po punojnë me kapacitet të plotë.Pavarësisht..

botuar më 25-01-15 7.05.PD
Lagja e Plovdivit të Vjetër

The New York Times: Bullgaria është ndër destinacionet kryesore për vitin 2025 për shkak të Shengenit, dhe jo vetëm!

Ku do të na çojë viti i ri? “The New York Times” na ndihmon të nisim udhëtimet tona me propozime nga lista vjetore e 52 vendeve më të mira për t'u vizituar në 2025. Ndër to, Bullgaria shquhet si një destinacion tërheqës që përqendron vëmendjen e..

botuar më 25-01-11 10.10.PD