Një ekspozitë fotografike "Bosilegrad para dhe tani" u hap në Bastionin “Maria Terezia” në Timisoara. Iniciator i projektit është Aleksandër Dimitrov - kryeredaktor dhe kryetar i Shoqatës "GLAS" (zëri). Ai shoqërohej nga një nga fotografët, Vlladislav Çanev, i cili i quajti fotot "momente të ngrira në kohë".
Veprimtaria po mbahet me mbështetjen e Bashkimit të Bullgarëve të Banatit në Rumani dhe Konsullit të Nderit të Bullgarisë në Timishoara dhe deputet të pakicës bullgare në Parlamentin rumun Georgi Nakov, ndërsa në mesin e të ftuarve zyrtarë ishte edhe ambasadori i Bullgarisë në Rumani Radko Vllajkov, i cili para se të vinte në fqinjin tonë verior ishte ambasador në Serbi.
“Ekspozita e sotme, ekspozimi i saj këtu, është mbi të gjitha një iniciativë e dëshirës së bullgarëve nga Rumania, e bullgarëve nga vendet e tjera të rajonit për të ndihmuar, për të treguar ndjeshmërinë e tyre për gjendjen e vështirë të bashkatdhetarëve tanë, veçanërisht në Bosilegrad. Nuk po flas për të gjithë Serbinë, por ekskluzivisht për Bosilegradin”, tha diplomati.
Ekspozita e fotografive, e cila tashmë u prezantua në Bosilegrad, Shkup, Kjustendill dhe Sofje, përfshin 40 fotografi me përmasa një metër me shtatëdhjetë centimetra. Çdo foto ka një emër. Një ekspozitë e dytë po afrohet. Premiera do të jetë për Pashkët në Bosilegrad.
Përdorimi i formave të respektit që tregojnë fillimin, zhvillimin dhe përfundimin e komunikimit tek bullgarët e Shqipërisë janë objekt analize në punën e Dr. Miranda Bello, lektore e gjuhës bullgare në Universitetin e Tiranës. Ajo e mblodhi..
Vitet e fundit është forcuar bashkëpunimi mes kinemasë bullgare dhe asaj shqiptare. Prodhimet shqiptare gjithnjë e më shumë po gjejnë vend në festivalet bullgare dhe anasjelltas. Kjo tregon ndërveprimin artistik në rritje mes dy vendeve tona, i cili..
Në Ditën e Teatrit - 27 Mars, Lidhja e Artistëve në Bullgari tradicionalisht dorëzoi Çmimet Kombëtare IKAR për Artet Performuese. Çmimin për kontribut të jashtëzakonshëm në teatrin bullgar e mori aktori Javor Millushev personalisht nga presidenti..