Bullgaria është zotuar t'i bashkohet monedhës së përbashkët evropiane që me nënshkrimin e traktatit për pranimin e saj në BE. Kështu ua ka kujtuar presidenti Rumen Radev studentëve të Universitetit të Plovdivit “P. Hilendarski”. Fjalët e kreut të shtetit janë në përgjigje të kërkesës së partisë "Vëzrazhdane" që ai të shpallë një referendum për ruajtjen e levit bullgar. "Nuk ka mundësi të nxjerr  një dekret për mbajtjen e referendumit për euron, sepse nuk mund ta shkel ligjin. Kjo duhet të jetë kategorikisht e qartë - vetëm parlamenti bullgar mund të vendosë nëse do të ketë referendum apo jo", tha Radev, duke theksuar se Bullgaria është një vend i sundimit të ligjit dhe ligjet duhet të respektohen.

Sipas tij, ndryshimi i monedhës duhet të bëhet kur të jemi gati për të, përkatësisht kur të përmbushim kriteret e Mastrihtit.