Presidenti Rumen Radev i bëri thirrje qeverisë që të mbajë një qëndrim të qartë dhe proaktiv për rastin e punonjësit bullgar të OKB-së, Marin Marinov, i cili vdiq në Rripin e Gazës. "Shoqëria jonë pret që ajo të tregojë se është e shqetësuar për çdo qytetar bullgar, pavarësisht se ku ndodhet në botë, se ka një vetëdije të qartë për interesat tona kombëtare në politikën tonë të jashtme dhe udhëhiqet nga këto interesa. Prandaj, pres që qeveria të ketë një qëndrim dinjitoz dhe të kërkojë një informacion të tillë. Ne nuk mundemi të mbështetemi vetëm në informacionin e njërës anë, e cila, përveç kësaj, është një palë e konfliktit, tha presidenti Radev.
Sipas një deklarate të OKB-së, zjarri i tankeve izraelite në një ndërtesë të OKB-së në Deir al-Balah në Rripin e Gazës shkaktoi vdekjen e shtetasit bullgar Marin Marinov më 19 mars 2025. Disa ditë më parë, Ministri i Jashtëm Georg Georgiev deklaroi në Veliko Tërnovo se pala izraelite po zhvillon një hetim për rastin. I pyetur nga një gazetar nëse Bullgaria ka ndërmend të kryejë hetimin e saj për vdekjen e Marinovit, ai u përgjigj: "Situata aktuale në Gaza e bën jashtëzakonisht të vështirë për çdo vend që të kryejë një hetim, përveç atyre që janë në terren atje. Për shkak të kompleksitetit të situatës, është shumë e vështirë të angazhohemi me afate dhe me parametra të saktë."
Lexoni më shumë në arkivin tonë:
Ka kaluar gjysmë shekulli që nga vendosja e marrëdhënieve diplomatike midis Kinës dhe Bashkimit Evropian – një partneritet që ka dimensione reale në aspektin ekonomik: "Tregtia midis Kinës dhe Evropës është rritur nga 2.4 miliardë në gati 786 miliardë..
Mbi 95% prej zjarreve në vend janë për shkak të neglizhencës ose qëllimit, tha Kryeministri Rosen Zheljazkov, pasi inspektoi masat në vend të marra nga shtabi operativ për t'u përballur me katastrofën në rajonin e Strumjanit. Falë organizimit të..
Sllovenia u bë vendi i parë në Evropën Lindore që legalizoi vetëvrasjen e asistuar Parlamenti i Sllovenisë e miratoi përfundimisht Ligjin për vetëvrasjen e asistuar me 50 vota “pro” dhe 10 “kundër”, duke e kthyer vendin ballkanik në të..
Ka kaluar gjysmë shekulli që nga vendosja e marrëdhënieve diplomatike midis Kinës dhe Bashkimit Evropian – një partneritet që ka dimensione reale në..