Sot, 31 mars, është dita e fundit në të cilën funksionojnë kapacitetet e termocentralit të dytë më të madh me qymyr në Bullgari, “ContourGlobal Marica Iztok 3”. Duke filluar nga nesër, 130 nga gjithsej 160 punonjës të kompanisë do të pushohen nga puna. Javët e fundit shteti, i cili ka 27% të aksioneve në termocentralit privat, kërkon një zgjidhje për të mbajtur punonjësit në punë, si dhe për një shitje të mundshme të kompanisë te një investitor. Këtë e bëri të ditur në parlament në fund të shkurtit ministri i energjetikës Zheço Stankov. Megjithatë, në këtë fazë nuk ka asnjë informacion për arritjen e ndonjë përparimi.

Lirimi i personelit të termocentralit “ContourGlobal Marica Iztok 3” nisi një vit më parë, kur skadoi kontrata e kompanisë me Kompaninë Kombëtare Elektrike për blerjen e energjisë elektrike. Në verën e vitit 2024 termocentrali sërish u vu në shfrytëzim për pak kohë kur u rrit çmimi i energjisë elektrike, pas së cilës disa nga punonjësit e kompanisë u pushuan sërish nga puna. Informacioni vjen nga BNR Stara Zagora.