Përmirësimi i lidhjes së transportit dhe aksesi gjatë gjithë vitit në Vitosha - kjo parashikohet në një plan të Komunës së Sofjes për zhvillimin e malit. Sipas kryetarit Vasill Terziev, më e rëndësishme është që Vitosha të integrohet në qytet. “Qasja gjatë gjithë vitit në mal përfshin si të shkosh atje në këmbë, me biçikletë, me transport publik, me teleferik dhe në fund me makinë, që aktualisht është mënyra më e përshtatshme”, shpjegoi kryebashkiaku. Për këtë qëllim duhet të krijohen kushte moderne për turizmin, ruajtjen e natyrës, ekuilibrin social-ekonomik dhe menaxhimin e mirë. Sipas tij, komuna ka një ide që të ndërtojë ura për këmbësorë mbi Unazën e Kryeqytetit për qasje më të lehtë në malin Vitosha. Vasill Terziev theksoi se mali duhet të jetë i aksesueshëm si prioritet për fëmijët, pensionistët dhe qytetarët nga grupet vulnerabël. Për adoleshentët planifikohen shtigje edukative, kampe verore, klasa dhe shkolla të gjelbra. “Qëllimi ynë i madh është që të gjithë fëmijët të kenë ngjitur Vitoshën deri në moshën 16 vjeçare”, shtoi kryebashkiaku.

Lexoni më shumë nga koleksioni i Radio Bullgarisë:

• Vitosha – mali i shpëtuar

• Traseja e çiklizmit "Vitoshko Lale" - një sfidë e re për çiklistët malorë

• Vjeshta në malin Vitosha - Bullgaria në fotografi

• 85 vjet Parku Vitosha – gjithnjë e më i dashur, gjithnjë e më tërheqës

• 120 vjet nga ngjitja e parë dimërore e majës Çerni Vrëh në Vitosha