Rruga drejt prosperitetit ekonomik të romëve kalon përmes legjitimimit kulturor, tha me rastin e Ditës Ndërkombëtare të Romëve - 8 Prill, Ognjan Isaev, drejtor i programit “Mundësitë dhe Arritjet Arsimore” të Fondacionit “Trust i Alternativës Sociale”.

Sipas tij, në vendin tonë ende nuk u zhvillua asnjë diskutim i rëndësishëm për vendin e fëmijëve romë dhe profesionistëve romë, jo vetëm në tregun e punës, por edhe në kulturën dhe politikën bullgare. Sipas Ognjan Isaev, kur zhvillohet një diskutim për romët, fokusi kryesor bie në punësimin dhe mirëqenien e tyre ekonomike. “Përtej këtyre prioriteteve që preokupojnë burrat dhe gratë e shtetit, ka edhe njerëz që jetojnë me vlerat, kulturën e tyre, por me kalimin e kohës këta elementë të rëndësishëm mbi të cilët romët ndërtojnë jetën e tyre ranë nga axhenda e shtetit”, theksoi ai. Gjatë rreth 15 viteve të fundit, mesazhi është se romët përfaqësojnë një potencial të madh ekonomik të pashfrytëzuar, shtoi eksperti. Ai beson se ne duhet të investojmë në modernizimin e komunitetit rom, për të siguruar që të gjithë fëmijët romë të kenë shanse të barabarta për sukses. Aktualisht, romët punojnë në sektorë që nuk kërkojnë kualifikime të larta. Të papunët nga komuniteti janë 5-10%, dhe midis 40 dhe 50 për qind tashmë punojnë në Evropën Perëndimore, ku mirëqenia e tyre ekonomike u përmirësua shumëfish, theksoi Ognjan Isaev.

Lexoni më shumë nga arkivi i Radio Bullgarisë:

• Mundësitë për përfshirjen e romëve në tregun e punës

• Romët në Bullgari: të kapësh të pakapshmen