Ditën e dytë pas Pashkëve, fillon Java e Ndritshme. Quhet kështu për shkak të dritës që Ngjallja e Krishtit i sjell botës. Sipas traditës ortodokse, kjo është një kohë kur lavdërohen Apostujt e Shenjtë dhe Virgjëresha Mari. Java e Ndritshme përfundon me të Dielën e dytë të Pashkëve. "Qielli dhe toka janë një në këto ditë. Është ky gëzim i madh në Ringjalljen e Ndritshme të Krishtit që kremtohet gjatë gjithë javës - më solemne dhe më e gëzueshme e të gjithë vitit. Kisha këndon Ringjalljen e lavdishme të Krishtit si një kremtim kremtimesh, një festë festash", thotë Mitropoliti Grigorij i Vracës. Gjatë Javës së Ndritshme, himne festive të Ringjalljes tingëllojnë në kisha. Ushqimi me mishë lejohet në ditët e zakonshme të kreshmimit të vitit - të mërkurën dhe të premten.

Këtë mëngjes, Patriku Daniill mori pjesë në një liturgji festive në Kishën e Ngjalljes së Shenjtë të Zotit në lagjen “Krasna Poljana” të kryeqytetit. “Zoti, me ringjalljen e tij, na tregoi se ekziston një lloj i ri jete, një mënyrë e re jetese që të çon në pavdekësi. Miliona e miliarda njerëz që kanë ndryshuar mënyrën e tyre të jetesës dhe kanë ndjerë fuqinë e së vërtetës, fuqinë e një jete të devotshme - kjo është dëshmia më e madhe e ringjalljes. Pashkë të ndritshme dhe të bekuara!" uroi ai.

Lexoni më shumë nga arkivi i Radio Bullgarisë:

• Fillon Java e Ndritshme

• Bota ortodokse feston të Hënën e Ndritshme

• E Mërkura e Ndritshme bie ditën e tretë të Javës së Ndritshme