Viti aktual 2025 shënon 1160 vjet nga konvertimi i popullit bullgar në krishterimin ortodoks dhe 1170 vjet nga krijimi i alfabetit bullgar dhe letërsisë sllave. Me këtë rast, Mitropolia e Varnës dhe Veliki Preslavit organizon festime solemne në periudhën 1-3 maj, të cilat do të mbahen në qytetet Varna, Pliska dhe Shumen.

Si pjesë e festimeve, do të mbahet një sesion shkencor kushtuar përvjetorëve të njohur në Universitetin e Shumenit "Peshkopi Konstantin i Presllavit".

Në festime do të marrë pjesë Shenjtëria e Tij Patriarku Bullgar Daniil, së bashku me Mitropolitët e Sinodit të Shenjtë, peshkopët dhe klerin e Kishës Ortodokse Bullgare dhe zyrtarët. 

Është simbolike që festimet fillojnë në prag të 2 majit – data në të cilën Kisha jonë Ortodokse nderon kujtimin e Princit Boris – sundimtarit bullgar i cili pa nevojën për të përqafuar krishterimin dhe ishte i pari që u pagëzua, duke marrë emrin Mihaill.

• Princi Boris I Mihaill – është një nga sundimtarët më largpamës në historinë bullgare

Pritet që në festimet në Pliska të marrë pjesë edhe Kryeministri Rosen Zheljazkov. Festimet kushtuar 1160 vjetorit të konvertimit të popullit bullgar në krishterimin ortodoks janë planifikuar të vazhdojnë deri në fund të vitit 2025.

Përpiloi: Aleksandra Karamihaleva

Foto: bulgarianhistory.org, BGNES, bg-patriarshia.bg

Përgatiti në shqip dhe publikoi: Vesella Mançeva