Interesi kombëtar mbrohet maksimalisht dhe nuk ka pozicion dominues ose të nënshtruar në marrëdhëniet ndërfqinjësore. Kështu iu përgjigj kryeministri Rosen Zheljazkov një pyetjeje parlamentare nga partia Vëzrazhdane në lidhje me marrëveshjen midis Bullgarisë dhe Greqisë për ujërat e lumit Arda.

Marrëveshja e nënshkruar 5-vjeçare rregullon një kompensim vjetor për Bullgarinë. Sipas deklaratës së nënshkruar nga ministrat e jashtëm të të dyja vendeve më 2 maj, Bullgaria do të sigurojë ujë nga lumi Arda për ujitjen e 20 000 hektarëve në Greqinë Veriore. Vëllimi i sasive do të vendoset në bazë vjetore pas vlerësimit të nevojave bullgare.

"Rrjedha natyrore e një lumi nuk mund të ndalet në kufirin midis dy vendeve. Është çështje natyre dhe graviteti", u përgjigj kryeministri kur u pyet nëse vendi po humbiste një burim të vlefshëm.

Lexoni më shumë në arkivin tonë:

• Bullgaria dhe Greqia ranë dakord për shpërndarjen e ujërave të lumit Arda