Gjatë natës, do të ketë reshje në shumë vende në Bullgarinë Perëndimore dhe Qendrore, më intensive pas mesnatës, në rajonet jugperëndimore të vendit. Do të ketë edhe bubullima. Do të fryjë erë e lehtë nga veri-verilindja. Temperaturat minimale do të jenë midis 5 dhe 10 gradë, në Sofje - rreth 7 gradë.

Të martën, mbulesa e vranësirave do të ulet përkohësisht në shumë zona, por në mëngjes do të ketë mjegull afatshkurtër vende-vende në zonat e ulëta. Rreth mesditës dhe pas saj do të zhvillohen vranësira. Kryesisht në Bullgarinë Jugperëndimore, rreth malit Stara Planina dhe rajoneve verilindore, do të ketë reshje afatshkurtra me bubullima. Gjithashtu do të ketë reshje shiu në rajonet ekstreme veriperëndimore në mbrëmje. Do të fryjë erë e lehtë deri mesatare nga verilindja. Temperaturat maksimale do të jenë midis 15 dhe 20 gradë, në Sofje - rreth 16 gradë.

Në male do të mbajë mot kryesisht me vranësira dhe reshje shiu, mbi rreth 2000 metra lartësi mbidetare. Do të ketë edhe bubullima. Do të fryjë erë e dobët dhe mesatare nga verilindja, ndërsa në majat më të larta të Rillës dhe Pirinit do të fryjë erë nga veriperëndimi. Temperatura maksimale në një lartësi prej 1200 metrash do të jetë rreth 9°, në 2000 metra - rreth 2°.

Përgjatë bregdetit të Detit të Zi do të jetë kryesisht me diell, me rritje të përkohshme të vranësirave pas mesditës, por vetëm në vende të izoluara përgjatë bregdetit verior do të ketë reshje shiu. Do të fryjë erë e moderuar nga verilindja. Temperaturat maksimale do të jenë 15-17 gradë. Temperatura e ujit të detit është 14-16 gradë. Dallgëzimi i detit do të jetë 1-2 ballë.

Redaktoi: Darina Grigorova

Përgatiti në shqip dhe publikoi: Vesella Mançeva