Bullgaria nuk do të tërhiqet nga qëndrimi i saj parimor mbi integrimin evropian të Ballkanit Perëndimor dhe po i respekton angazhimet e saj, por gjithashtu këmbëngul që Maqedonia e Veriut të respektojë marrëveshjet e arritura. Këtë e tha në margjinat e parlamentit ministri i jashtëm Georg Georgiev, njoftoi gazetarja e BNR Maria Fileva.

"Ne i përmbahemi në mënyrë të rreptë konsensusit të arritur në vitin 2022, nuk do të devijojmë prej tij. Ne e kuptojmë rëndësinë e zgjerimit të Bashkimit Evropian dhe integrimit evropian të vendeve të Ballkanit Perëndimor, por gjithashtu konfirmojmë parimin e meritave të veta.Anëtarësimi në Bashkimin Evropian nuk është i garantuar. Ai bazohet në kritere dhe kushte specifike që duhet të përmbushë çdo vend kandidat për anëtarësim", theksoi Georgiev.

Ndër kërkesat e Bullgarisë është përfshirja e bullgarëve në kushtetutën e vendit dhe garantimi i të drejtave të tyre.

Lexoni më shumë mbi temën në postimin e mëposhtëm:

• Tronditje të reja në boshtin Sofje-Shkup: a do të ketë sukses Bullgaria në mbrojtjen e interesave të saj në Parlamentin Evropian?

• Raporti për përparimin e Maqedonisë së Veriut drejt BE-së shtyhet

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: BTA