Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Përfaqësues të komuniteteve bullgare nga Ballkani dhe Evropa Lindore do të takohen në Plovdiv me rastin e Ditës së Bashkimit

Monumenti i Zahari Stojanovit në Kopshtin e Qytetit në Plovdiv
Foto: BTA

Shoqata “Bravo Plovdiv” po organizon një takim të përfaqësuesve të komuniteteve bullgare dhe diasporave nga Ballkani dhe Evropa Lindore në Plovdiv, raporton BTA.

Eventi, i cili do të zhvillohet më 5 dhe 6 shtator, i kushtohet Ditës së Bashkimit të Principatës së Bullgarisë dhe Rumelisë Lindore - një festë zyrtare e qytetit. Kryetarët e Qendrës Kulturore dhe Informative “Bosilegrad” dhe të shoqatës “GLAS”, Ivan Nikollov dhe Aleksandër Dimitrov, pritet të mbërrijnë nga Bosilegradi për takimin.

“Ideali kombëtar nuk është diçka e vjetruar, por një lidhje e gjallë midis brezave, midis atdheut dhe atyre që e mbajnë Bullgarinë në zemrat e tyre edhe përtej kufijve të saj - bullgarët në Republikën e Maqedonisë së Veriut, Serbi, Shqipëri, Kosovë, Rumani, Moldavi, Ukrainë, Turqi, Greqi dhe në të gjithë botën”, theksojnë organizatorët.

Qëllimi i takimit është të ndërtojë një bërthamë të qëndrueshme dhe funksionale bashkëpunimi midis komuniteteve bullgare jashtë vendit, një komunikim të drejtpërdrejtë me institucionet shtetërore dhe sektorin civil në Bullgari dhe një lidhje të qëndrueshme midis tyre.

Gjatë këtij eventi, Mitropoliti Nikollaj i Plovdivit do të mbajë një shërbesë solemne lutjeje. Kurora dhe lule do të vendosen gjithashtu në monumentin e Zahari Stojanov, do të ketë një drekë pune me një bllok diskutimi mbi problemet dhe sfidat me të cilat përballen komunitetet dhe diasporat bullgare jashtë vendit.  Një tur turistik i pamjeve të Plovdivit, një riprodhim i ngjarjeve të 6 shtatorit dhe një koncert-shfaqje në Plovdiv Event Center (Qendrën e Eventeve të Plovdivit) do t’i vënë fund takimit.

Lexoni më shumë për Bashkimin e Principatës së Bullgarisë dhe Rumelisë Lindore në arkivin e Radio Bullgarisë:

Redaktoi: Diana Cankova

Përgatiti në shqip dhe publikoi: Vesella Mançeva

Foto: BTA



Последвайте ни и в Google News Showcase, за да научите най-важното от деня!

Më shumë nga rubrika

Ilijana Jotova

Nënpresidentja e shtetit: Besimi i krishterë dhe shkrimi kanë ruajtur popullin tonë për 12 shekuj

Falë kristianizimit, shkrimit dhe gjuhës, populli bullgar dhe Bullgaria mbetën në kujtesën e Evropës edhe atëherë kur shteti bullgar zhdukej për shekuj të tërë nga harta politike e Kontinentit të Vjetër. Pagëzimi dhe krijimi i shkrimit bullgar kanë..

botuar më 25-09-24 3.43.MD

Hebrenjtë në Bullgari dhe në mbarë botën festojnë Vitin e Ri

Mbrëmjen e 22 shtatorit filloi Viti i Ri Hebraik – Rosh Hashana. Sipas kronologjisë së Torës, nisi viti 5786 nga krijimi i botës. Sipas besimit hebraik, në këtë ditë Zoti krijoi njeriun e parë, Adamin. Sipas traditës hebraike, në dhjetë ditët që..

botuar më 25-09-23 11.28.PD

Himni i Pavarësisë për herë të parë u dëgjua në Burgas

Për herë të parë, Himni i Pavarësisë u dëgjua më 22 shtator 1908 në qytetin bregdetar të Detit të Zi, Burgas. Autori i melodisë dhe tekstit – dirigjenti ushtarak Georgi Shagunov – ka shënuar në faqen e parë të partiturës se himni është shkruar dhe..

botuar më 25-09-22 6.05.PD