Lajmi për sulmin e përgjakshëm ndaj kishës ortodokse “Shën Profeti Ilija” në periferi të Damaskut, i kryer më 22 qershor 2025, tronditi thellë komunitetin ortodoks në Bullgari dhe ngjalli reagime të ashpra kundër dhunës ndaj bashkësive fetare paqësore në Siri.
Me këtë rast, Ministria jonë e Punëve të Jashtme publikoi një deklaratë në faqen zyrtare, duke e dënuar ashpër aktin barbar ndaj kishës ortodokse, i cili mori jetën e dhjetëra besimtarëve dhe plagosi shumë të tjerë. MPJ shprehu ngushëllime të sinqerta për familjarët e viktimave, mes të cilëve kishte edhe fëmijë, dhe u bëri thirrje autoriteteve kalimtare siriane dhe bashkësisë ndërkombëtare të ndërmarrin veprime të menjëhershme për të garantuar sigurinë e të gjitha pakicave fetare në vend.
Patriarku bullgar Daniill gjithashtu shprehu ngushëllimet e tij ndaj “komunitetit të krishterë të shumëvuajtur të Patrikanës së Antiokisë”. Në mesazhin e tij drejtuar Patrikut të Antiokisë, Joani X, Shenjtëria e Tij dënoi me vendosmëri “këtë akt të çmendur të dhunës demonike” dhe u bëri thirrje “autoriteteve shtetërore në Siri të garantojnë jetën, lirinë fetare dhe paprekshmërinë e të gjitha bashkësive të krishtera në vend”.
Patriarku Daniill u bëri thirrje gjithashtu të gjitha "organizatave kombëtare dhe ndërkombëtare që mund të ushtrojnë ndikim të dobishëm për ndalimin e dhunës në Siri dhe në rajon”.
Redaktoi: Darina Grigorova
Përgatiti në shqip dhe publikoi: Svetllana Dimitrova
Foto: EPA/BGNES
Përmes Bullgarisë dhe Rumanisë kaloi gazi i parë azer për Ukrainën Kompania shtetërore energjetike e Ukrainës "Naftogaz" nënshkroi marrëveshjen e saj të parë me korporatën shtetërore të naftës dhe gazit të Azerbajxhanit SOCAR për import..
Ka kaluar gjysmë shekulli që nga vendosja e marrëdhënieve diplomatike midis Kinës dhe Bashkimit Evropian – një partneritet që ka dimensione reale në aspektin ekonomik: "Tregtia midis Kinës dhe Evropës është rritur nga 2.4 miliardë në gati 786 miliardë..
Mbi 95% prej zjarreve në vend janë për shkak të neglizhencës ose qëllimit, tha Kryeministri Rosen Zheljazkov, pasi inspektoi masat në vend të marra nga shtabi operativ për t'u përballur me katastrofën në rajonin e Strumjanit. Falë organizimit të..
Përmes Bullgarisë dhe Rumanisë kaloi gazi i parë azer për Ukrainën Kompania shtetërore energjetike e Ukrainës "Naftogaz" nënshkroi..