Ish-zëvendësministri i financave, Georgi Klisurski, nga "Po e vazhdojmë ndryshimin" (PP) njoftoi se po largohet nga partia PP. Në një postim në Facebook, Klisurski shkroi: "Po largohem nga PP. I zhgënjyer dhe i neveritur".
Bashkëpartiaku i tij, Stoill Mollov, gjithashtu njoftoi se paraqiti kërkesë për ndërprerjen e anëtarësimit të tij në PP, njoftoi BGNES. "Si një demokrat i sinqertë dhe person me bindje të djathta, mendoj se janë të nevojshme dorëheqje të tjera, sepse përveç Kirill Petkovit, ka të paktën edhe tre persona të tjerë që bënë jashtëzakonisht shumë për të na kthyer ne – anëtarët e partisë dhe gjithë komunitetin demokratik – në një objekt talljeje në sytë jo vetëm të shumicës së korruptuar, por edhe në sytë e njerëzve tanë të afërt", shkroi Mollov në Facebook.
Një ditë më parë, më 25 qershor, Kirill Petkov dha dorëheqjen si bashkëkryetar i PP-së dhe si deputet. Petkov e arsyetoi vendimin e tij me marrjen e përgjegjësisë politike pas skandalit me kryebashkiakët e lagjeve “Mlladost” dhe “Ljulin” dhe dy këshilltarë bashkiakë, të cilët gjithashtu u larguan nga PP me akuza se ndaj tyre ushtrohet presion për të manipuluar prokurimet publikë dhe për të devijuar fonde financiare drejt arkës së partisë.
Komisioni i Antikorrupsionit kreu kontrolle në Bashkinë e Sofjes. Pas kontrolleve, Prokuroria e Qytetit të Sofjes akuzoi katër persona për marrje ryshfeti dhe pjesëmarrje në grup të organizuar kriminal. Pasoi arrestimi i nënkryetarit të Bashkisë së Sofjes, Nikolla Barbutov, përgjegjës për “Politikat Evropiane, aktivitetin ndërkombëtar dhe turizmin”. Atij iu ngritën dy akuza – për pjesëmarrje në një grup të organizuar kriminal dhe për premtim ryshfeti, njoftoi agjencia BTA.
Redaktoi: Darina Grigorova
Përgatiti në shqip dhe publikoi: Svetllana Dimitrova
Foto: BTA
Dy punonjësit e Agjencisë Ekzekutive "Administrata e Automobilave", të cilët kërkuan ryshfet nga shoferët e kamionëve të huaj që transportonin pajisje për mega-shoun e Robbie Williams, janë pushuar nga puna, janë sjellë në përgjegjësi penale dhe janë..
Ministria e Turizmit mori pjesë në ekspozitën më të rëndësishme ndërkombëtare të turizmit në Japoni - Tourism Expo Japan (TEJ), e cila u mbajt nga 25 deri më 28 shtator 2025 në sallën e ekspozitave Aichi Sky Expo në Nagoya, Prefektura Aichi,..
Dy punonjës të Agjencisë Ekzekutive “Administrata e Transportit Rrugor” u ndaluan për 72 orë nga policia e kryeqytetit, pasi dyshohet se kërkuan ryshfet nga katër drejtues kamionësh që transportonin pajisjet për koncertin e yllit britanik të muzikës..
Një bullgare është gruaja më e mirë - fermere organike në Bashkimin Evropian për këtë vit. Allbina Jasinskaja është pronare dhe menaxhere e fermës..
“Nuk mendoj se duhet të rriten çfarëdo lloj tatimesh apo taksash”, tha ministri i punës dhe politikës sociale, Borisllav Gucanov, për BNT. “Situata e..
Vendi do të pajiset me sisteme të veta kundër dronëve. Ato do të blihen nga Ministria e Mbrojtjes përmes një huaje të marrë në kuadër të Mekanizmit..