“Këndi i Kosovës” pasuron Bibliotekën Kombëtare në Sofje

botuar më 25-07-01 3.45.MD

Foto: Ambasada e Kosovës në Republikën e Bullgarisë

Në Bibliotekën Kombëtare “Shën Kirill dhe Metodij” në Sofje u hap “Këndi i Kosovës”. Me këtë, këndet e dedikuara letërsive të ndryshme kombëtare në sallën “Historia e librit” bëhen gjithsej 36.

Ideja është pjesë e një vizioni afatgjatë e lidhur me misionin e bibliotekës si një qendër tërheqëse për vizitorë dhe lexues, një vend ku takohen artet, letërsia dhe njohuritë moderne digjitale – rikujton BTA.

Kjo nismë do të japë një shtysë të re për thellimin e bashkëpunim në fushat e arsimit, shkencës dhe shkëmbimit kulturor – tha ambasadori i Kosovës në Bullgari, z. Haxhi Bajraktari, gjatë ceremonisë zyrtare të hapjes.

“Për ne është një nder i veçantë të jemi sot këtu – në një nga institucionet më të rëndësishme kulturore dhe arsimore, me një arkiv të vlefshëm, me mijëra libra dhe dorëshkrime, përfshirë shumë kopje të trashëgimisë së lashtë shqiptare,” deklaroi ambasadori dhe shprehu mirënjohjen e tij të veçantë për drejtoreshën e Bibliotekës Kombëtare Bullgare, Prof. Asoc. Dr. Kalina Ivanova, për mbështetjen dhe gatishmërinë për bashkëpunim.

Në ngjarje ishte e pranishme edhe drejtoresha e Bibliotekës Kombëtare të Kosovës "Pjetër Bogdani" – znj. Blerina Rogova Gaxha, e cila e përshkroi këndin e sapohapur si një simbol të pranisë kulturore dhe një formë të re bashkëpunimi.

“Librat që sot vendosen këtu përfaqësojnë zërin e letërsisë dhe të mendimit shqiptar, si dhe përpjekjen tonë për të ndërtuar ura miqësie kulturore në një Europë që bashkon dhe respekton diversitetin,” theksoi ajo.

Pas ceremonisë u mbajt një takim zyrtar ku thellimi i lidhjeve institucionale ishte një nga temat kryesore të diskutimit dhe ku drejtoreshat e të dy Bibliotekave Kombëtare, ranë dakord të përfundojnë procesin e finalizimit të Memorandumit të Bashkëpunimit sa më shpejtë të jetë e mundur.

Lexoni më tepër:

"Toka Shitet" në Sofje: Një Performancë Unike nga Idriz Ameti

Foto: Ambasada e Kosovës në Republikën e Bullgarisë

Последвайте ни и в Google News Showcase, за да научите най-важното от деня!

Ndaje

Një kënd, mijëra histori

“Këndi i Kosovës” pasuron Bibliotekën Kombëtare në Sofje

Më shumë nga rubrika

Filma nga 19 shtete do të shfaqen në festivalin e filmit të shkurtër në Varnë

Ekspozitë fotografike për primadonën e operës Rajna Kabaivanska në Burgas

Një verë, një gjuhë, shumë përvoja

Filma nga 19 shtete do të shfaqen në festivalin e filmit të shkurtër në Varnë