Pak më shumë se një muaj pasi filluan të nxjerrin albumet e tyre në pllaka të gramafonit me "Vetëm për ty", grupi Mary Boys Band prezanton edhe "Rruga e gjatë drejt shtëpisë" në vinil. Studio albumi i dytë i grupit, i cili tani del si një pllakë gramafoni, është në tregun muzikor që nga 1 korriku 2025. Grupi punoi mbi të për pesë vite, për të arritur tingullin e dëshiruar, por edhe atë unitet metafizik të ritmeve, timbreve, imazheve dhe emocioneve, në të cilin e gjen veten dhe ndihesh sërish i tërë. Në album, përveç këngës hit me të njëjtin titull, fansat do të gjejnë edhe "bukurinë universale" të këngëve "Luledielli", "Ngjyrat e perëndimit", "Për herë të fundit" dhe "Besoj në ty", rrëfimin e ndejshëm "Ji vetëm me mua", frymëzimin "Nisu me mua" dhe pendesën "Deri kur"... Këtu është edhe kënga e parë e grupit që u transmetua në World Chart Express në MTV – "Mos shiko me dashuri".

Maria Mutafçieva dhe shokët e saj thonë se "Rruga e gjatë drejt shtëpisë" është dashuri, ndjesi e një përqafimi të shumëpritur dhe lumturi! Jo rastësisht, kënga me të njëjtin titull dhe "Luledielli" janë përfshirë në tekstet shkollore të muzikës për klasën e 7-të dhe të 9-të. Ky është albumi i preferuar i muzikantëve nga Mary Boys Band, dhe ata shpresojnë që fansat e tyre ta pëlqejnë atë.

Lexoni më shumë nga koleksioni i Radio Bullgarisë:

• Kënga më e re nga Mary Boys Band – "Vendet e mia"

• “Më zgjo në maj” dhe Mary Boys Band

• Mary Boys Band prezantoi albumin e ri “Ditët e lumtura”

• Po vjen vjeshta... me “Rrugët e panjohura” të Mary Boys Band

• "Përshëndetje" - diçka e re nga Mary Boys Band

• Maria Mutafçieva-Meri: Dhurata më e çmuar janë ditët e lumtura me njerëzit tanë më të afërt

• Maria Mutafçieva: Dashuria gjithmonë ka qenë forcë lëvizëse për mua

• Maria Mutafçieva prezanton albumin e saj të parë solo “Vazhdo të ëndërrosh”

Përpiloi: Diljana Traçeva

Përgatiti në shqip dhe publikoi: Svetllana Dimitrova