Të enjten, temperaturat minimale do të jenë nga 11 deri në 19°C. Në Sofje priten rreth 13°C. Gjatë ditës, vranësirat do të jenë të ndryshueshme, në shumë zona duke u kthyer në mot me diell. Reshje të shkurtra dhe të izoluara priten vetëm në zonat malore të Bullgarisë Jugperëndimore. Do të mbetet me erë, me një erë të moderuar deri të fortë nga veriperëndimi. Temperaturat maksimale do të rriten pak dhe do të jenë ndërmjet 25 dhe 30°C. Në kryeqytet, rreth 24°C.

Në male, moti do të jetë me diell, me shtim të përkohshëm të vranësirave. Reshje të shkurtra dhe të izoluara do të ketë vetëm në malet e Bullgarisë Jugperëndimore. Era do të fryjë nga veriperëndimi, e moderuar përkohësisht e fortë. Temperatura maksimale në 1200 m lartësi do të jetë rreth 18°C, ndërsa në 2000 m – rreth 11°C.

Në bregdet, moti do të jetë me diell, me vranësira të përkohshme, kryesisht në orët e paradites. Era do të fryjë mesatare nga perëndimi-veriperëndimi, por në mbrëmje do të fillojë të dobësohet. Temperaturat maksimale të ajrit do të jenë nga 27 deri në 30°C. Uji i detit do të ketë temperaturë nga 24 deri në 26°C. Dallgëzimi i detit do të jetë rreth 2 ballë.

Të premten, era do të dobësohet, vranësirat do të pakësohen dhe temperaturat do të rriten me 2-3°C.

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA