Kompleksi turistik Maliovica do të jetë mikpritës i edicionit të dytë të Festivalit Kombëtar të Turizmit, i cili do të zhvillohet nga 11 deri më 13 korrik, njofton BTA.

Pjesëmarrësit do të kenë mundësi të marrin pjesë në ekskursione të organizuara në shtigje ikonike të malit Rilla, të përfshihen në aktivitete praktike si orientimi dhe vrapimi malor, të ndjekin leksione dhe të shohin projeksione të kinemasë alpine.

Mbrëmjet do të përfundojnë pranë zjarrit të kampit me muzikë akustike dhe performanca të koreve turistike nga e gjithë Bullgaria.

Festivali është pjesë e festimeve për 130-vjetorin e ngjitjes së parë të organizuar në majën Çerni Vrëh të malit Vitosha – një ngjarje që shënoi fillimin e lëvizjes turistike në Bullgari dhe themelimin e Bashkimit Bullgar të Turizmit.

Lexoni më shumë nga arkivi i Radio Bullgarisë:

• Një nga shtëpitë malore më të njohura - "Maljovica" mbushi 90 vjeç!

• Kompleksi turistik Maljovica me një atraksion të ri turistik

• “Maljovica” – shtëpia më e mirë turistike malore për vitin 2016

• 120 vjet nga ngjitja e parë dimërore e majës Çerni Vrëh në Vitosha

• Pamje mahnitëse nga maja Çerni Vrëh

• Vitosha – mali i shpëtuar

• Lëvizja turistike në Bullgari shënon 120 vjetorin e saj

Redaktoi: Diana Cankova

Përgatiti në shqip dhe publikoi: Svetllana Dimitrova

Foto: BTA, FB/Festivali Kombëtar i Turizmit