Kuvendi Popullor i Bullgarisë hodhi poshtë mocionin e mosbesimit ndaj kabinetit të kryeministrit Rosen Zheljazkov. Kjo ishte vota e katërt e mosbesimit për qeverinë. Për rrëzimin e qeverisë mbi temën e ekologjisë votuan 83 deputetë “pro”, ndërsa 131 ishin “kundër” dhe nuk pati asnjë abstenim.

Nga partia në pushtet GERB-SDS, 64 deputetë votuan “kundër”. Partia opozitare DPS – Fillim i ri gjithashtu votoi kundër me 29 deputetë. Partneri bashkëqeverisës BSP dha 19 vota kundër. Nga partia tjetër në koalicionin qeverisës, “Ka një popull të tillë”, 15 deputetë ishin gjithashtu “kundër”. Nga koalicioni opozitar “Po e Vazhdojmë Ndryshimin – Bullgaria Demokratike”, 17 deputetë votuan “pro”, nga partia “Vëzrazhdane”, 32 deputetë votuan “pro”, dhe gjithashtu “pro” votuan edhe Aleanca për të Drejta dhe Liri e Ahmet Doganit, si dhe partitë MEÇ dhe “Veliçie”. Katër deputetë të pavarur votuan “kundër”.

Partitë proruse janë të panevojshme në këtë parlament, deklaroi pas votës lideri i DPS – Fillim i ri, Deljan Pevski, citoi fjalët e tij agjencia BGNES.

Lexoni më shumë mbi temën:

• Para se të zhvillohet votimi i tretë i mosbesimit nga “Veliçie” depozituan të katërtin

• Me 54 vota "pro", votimi i tretë i mosbesimit dështoi

• Doc. Buruxhieva: Vota e mosbesimit te ne po shndërrohet në diçka ndryshe nga thelbi i saj

• Asen Vasilev: Që nga tani, PP është në opozitë – qeveria është e dëmshme për Bullgarinë

Redaktoi: Ivo Ivanov

Përgatiti në shqip dhe publikoi: Svetllana Dimitrova

Foto: BTA