Këshilli i Ministrave, në mbledhjen e sotme, më 16 korrik, miratoi një program për mbështetjen e komuniteteve, organizatave dhe mediave bullgare jashtë vendit për vitin 2025. Gjithashtu u aprovuan shpenzime shtesë në shumën prej 180000 leva, në kuadër të buxhetit të Ministrisë së Punëve të Jashtme.

Programi u drejtohet komuniteteve dhe organizatave bullgare jashtë vendit, të cilat luajnë një rol të rëndësishëm si një lidhje midis përfaqësuesve të ndryshëm të diasporës sonë, duke kontribuar në informimin në kohë të bashkatdhetarëve tanë rreth proceseve, ngjarjeve dhe iniciativave brenda dhe jashtë kufijve të Bullgarisë.

Programi do të mbështesë iniciativat e komuniteteve, organizatave dhe mediave bullgare në vendet e Ballkanit Perëndimor dhe Evropës Lindore me një popullsi tradicionale bullgare, që synojnë identifikimin dhe luftimin e lajmeve të rreme, dezinformimit dhe ndërhyrjes së huaj dhe manipulimit të informacionit.

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA