Qytetarët u mblodhën para ndërtesës së Komisionit për Luftën kundër Korrupsionit në shenjë proteste, duke kërkuar dorëheqjen e Anton Sllavçevit, kryetarit në detyrë të komisionit, dhe mbylljen e plotë të organit. Ngjarja u organizua nga Lëvizja Qytetare "Boec", raportoi BTA. Aksioni u provokua nga arrestimi i kryetarit të bashkisë së Varnës, Bllagomir Kocev, dhe hetimi kundër tij nga Komisioni për Luftën Kundër Korrupsionit.

• Gjykata la në paraburgim kryebashkiakun e Varnës, Bllagomir Kocev, i cili hetohet për korrupsion

Protesta e "Boec" u përshkallëzua kur të mbledhurit u përpoqën të paraqisnin një raport në komision kundër Georgi Petrov, një këshilltar bashkiak nga Kjustendill, për një mospërputhje të fortë midis stilit të tij të jetesës dhe të ardhurave të deklaruara. Në hyrje ata u ndaluan nga një kordon policie. Oficerët e policisë arrestuan një nga protestuesit. Pak më vonë, sinjali u dorëzua nga bashkëkryetari i grupit parlamentar të PP-DB, Nikollaj Denkov, njoftoi gazetari i BNR-së Dobromir Videv.

Më herët sot, kreu i "Boec"-it, Georgi Georgiev, u ankua se policia kishte hyrë në zyrën e tij, por Ministria e Punëve të Brendshme e mohoi këtë, duke deklaruar se ky ishte një veprim kundër të huajve që banonin ilegalisht në vend dhe që jetonin në të njëjtën ndërtesë. Georgiev i tha BNR-së se sipas mendimit të tij, ky ishte një përpjekje për të frikësuar, ushtruar presion dhe shtypur shoqatën "Boec".

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA