Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Mbrojtja e të drejtave të bullgarëve në regjion është një përparësi për politikën e jashtme bullgare

Kryeministri Rosen Zheljazkov
Foto: gov.bg

Demokracia, sundimi i ligjit dhe respektimi i të drejtave të njeriut janë themelet e diplomacisë bullgare. Ajo shpesh vepron në një spektër më të padukshëm të jetës socio-politike dhe në historinë e saj të gjatë ka qëndrueshmëri dhe vazhdimësi. Kjo u tha nga Kryeministri Rosen Zheljazkov në pritjen ceremoniale në rezidencën Bojana me rastin e Ditës së Shërbimit Diplomatik Bullgar, raporton BTA. Zheljazkov shtoi se jetojmë në kohë shumë komplekse, në të cilat ndodhin një sërë ndryshimesh brenda një gjenerate dhe tregoi si të tilla zhvillimin e inteligjencës artificiale.

Ministri i Jashtëm Georg Georgiev

Në fjalimin e tij para trupit diplomatik, ministrave dhe anëtarëve të parlamentit, Ministri i Jashtëm Georg Georgiev vuri në dukje arritjet kryesore kombëtare, siç janë anëtarësimi i plotë në Shengen me tokë dhe hyrja në Eurozonë nga 1 janari 2026. "Agresioni rus kërcënon sigurinë në Evropë dhe në botë. Ne mbështesim sovranitetin dhe integritetin territorial të Ukrainës brenda kufijve të saj të njohur ndërkombëtarisht", shtoi Georgiev. "Integrimi evropian i rajonit mbetet përparësia jonë strategjike. Progresi varet nga zbatimi i reformave, fqinjësia e mirë dhe sundimi i ligjit", shtoi Georgiev. Ai theksoi gjithashtu rëndësinë e mbrojtjes së të drejtave të bullgarëve dhe komuniteteve historike në rajon.

Presidenti Rumen Radev

"Historia e politikës së jashtme bullgare tregon pa mëdyshje se suksesi e ka shoqëruar diplomacinë tonë kur ajo nuk i është nënshtruar interesave të ngushta partiake, kur ka ndjekur qëllime dhe ideale kombëtare të formuluara qartë dhe të pranuara me konsensus, kur profesionalizmi, jo besnikëria ndaj partisë, ka qenë kriteri kryesor për zhvillimin e karrierës", tha Presidenti Rumen Radev në fjalimin e tij.

Ai bëri thirrje që anëtarësimi i Bullgarisë në Shengen dhe në eurozonë të mos shihet si një arritje e njëhershme, pasi të dy instrumentet duhet të çojnë në një jetë më të mirë dhe më të sigurt për bullgarët.


Redaktoi: Ivo Ivanov

Përgatiti në shqip dhe publikoi: Vesella Mançeva

Foto: gov.bg



Последвайте ни и в Google News Showcase, за да научите най-важното от деня!

Më shumë nga rubrika

Për herë të parë në Bullgari mbahet kongresi ndërkombëtar i punuesve të dantellës

Në zemër të Luginës së Trëndafilave, në shpatet e Stara Pllaninës dhe Sredna Gorës, për të 26-ën herë zhvillohet Festa e dantellës së Kalloferit. Paleta e ngjarjeve është e pasur – mysafirët e dy qyteteve të vegjël nënmalorë, Karlovo dhe..

botuar më 25-08-16 8.00.PD

OPEN BUZLUDZHA mbledh mijëra nën “pjatën” e monumentit më të njohur në Bullgari

Monumenti në majën Buzlluxha – simbol i epokës socialiste në historinë bullgare dhe “yll” mes adhuruesve të turizmit të errët (dark tourism), për të pestën herë është skena e një festivali me frymë moderne dhe kauzë. Për të pestin vit, OPEN BUZLUDZHA..

botuar më 25-08-16 7.00.PD

Presidentja e Bankës Qendrore Evropiane, Christine Lagarde, mirëpret dizajnin e monedhës bullgare euro

Presidentja e Bankës Qendrore Evropiane (BQE), Christine Lagarde, përshëndeti dizajnin e monedhës bullgare 1 euro në një postim në rrjetin social "Facebook", raportoi BTA. "Lajme emocionuese për Bullgarinë dhe eurozonën! Hidhini një sy dizajnit..

botuar më 25-08-13 6.17.MD