Shoqata e Shkollave Bullgare Jashtë Vendit po mban konferencën e saj të 18-të vjetore në Veliko Tërnovo. Forumi më i madh vjetor i organizatës, i cili zhvillohet me moton "Të mësojmë duke luajtur. Të luajmë duke mësuar!", bashkon anëtarët e saj nga e gjithë bota. Për dy ditë, përfaqësuesit e qendrave arsimore bullgare jashtë vendit i bëjnë një bilanc vitit shkollor të kaluar dhe përcaktojnë prioritetet për të ardhmen. Takimi organizohet nga Universiteti "Shën Kirili dhe Metodi" i Veliko Tërnovos. Diskutimet filluan me një interpretim të himnit tonë kombëtar nga një grup folklorik, pjesë e Festivalit të Parë të Ansambleve Bullgare të Vallëzimit Jashtë Vendit, i cili hapet sonte në mbrëmje gjithashtu në Veliko Tërnovo.
Kryetarja aktuale e Shoqatës së Shkollave Bullgare Jashtë Vendit, Petja Caneva, ia dorëzoi udhëheqjen Zornica Gogan, drejtoreshë e shkollës bullgare të së dielës "Rajna Knjaginja" në Dublin, e cila theksoi misionin e përbashkët të anëtarëve të shoqatës - ruajtjen e gjuhës, kulturës dhe identitetit kombëtar bullgar midis fëmijëve nga diaspora bullgare jashtë vendit.
Midis të pranishmëve ishin shkrimtarja Zdravka Evtimova, drejtuesja e Agjencisë Ekzekutive për Bullgarët Jashtë Shtetit Rajna Manxhukova, drejtori i përgjithshëm i Radios Kombëtare Bullgare Milen Mitev, Vanja Ballçeva, drejtoresha e Drejtorisë "Arsimi i Bullgarëve Jashtë Shtetit dhe Rrjeti Shkollor" në Ministrinë e Arsimit dhe Shkencës, Prof. e Asoc. Anna Ivanova, zëvendësrektore e Universitetit të Veliko Tërnovos "Shën Kirili dhe Metodi", etj.
Rajna Manxhukova theksoi rëndësinë e Agjencisë Ezekutive për Bullgarët Jashtë Shtetit si organizata e parë që bashkoi strukturat e bullgarëve nga pjesë të ndryshme të botës.
Milen Mitev, Drejtor i Përgjithshëm i Radios Kombëtare Bullgare - partner mediatik i konferencës, theksoi rolin e arsimit si themel për çdo shoqëri të suksesshme. Shkollat bullgare jashtë vendit janë lidhja me atdheun e miliona bullgarëve në pjesë të ndryshme të botës, deklaroi gjithashtu Milen Mitev dhe theksoi se është detyrë e mediave si Radioja Kombëtare Bullgare të ndihmojnë që zëri i tyre të dëgjohet.
Lexoni më tepër:
Përpiloi: Miglena Ivanova bazuar në një tekst nga Krasimir Martinov
Përgatiti në shqip dhe publikoi: Vesella Mançeva
Foto: Krasimir Martinov
Radioja Kombëtare Bullgare ishte për herë të parë mikpritëse e Konferencës Vjetore të Shoqatës Ndërkombëtare të Mediave Publike ( Public Broadcasters International ). Në të morën pjesë drejtues dhe përfaqësues të mediave publike të radios dhe..
Instituti për Shkencat Kompjuterike, Inteligjencën Artificiale dhe Teknologjitë (INSAIT) pranë Universitetit “Shën Klimenti i Ohrit” njoftoi lansimin e SPEAR-1 – një model bazë të inteligjencës artificiale, i cili u jep robotëve një kuptim..
Hapësira virtuale, në të cilën mund të gjeni informacion për restorantet bullgare në territorin e Berlinit, shërbimet që ofrojnë bashkatdhetarët tanë – zejtarë, si edhe adresat dhe numrat e telefonit për kontakt me mjekët tanë që punojnë në territorin e..
Hapësira virtuale, në të cilën mund të gjeni informacion për restorantet bullgare në territorin e Berlinit, shërbimet që ofrojnë bashkatdhetarët tanë –..
Si të ruhet dhe mirëmbahet besimi i publikut në media - kjo është tema qendrore për pjesëmarrësit në Konferencën Vjetore të Shoqatës Ndërkombëtare të..
Instituti për Shkencat Kompjuterike, Inteligjencën Artificiale dhe Teknologjitë (INSAIT) pranë Universitetit “Shën Klimenti i Ohrit” njoftoi lansimin e..
Vranësira të ndryshueshme mundësi për reshje shiu
Vranësira
Vranësira të dendura
Vranësira të dendura me shi