Të paktën 870 persona mund të përfitojnë nga masa “Unë Zgjedh Bullgarinë” për t’u tërhequr përsëri në Bullgari nga jashtë vendit. Një pjesë e madhe e tyre ndoshta do të kthehen me familjet e tyre, tha për BTA-në zëvendësministrja e Punës dhe Politikës Sociale Natalija Efremova.

Ne presim që 1 170 persona të përfitojnë nga masat për të siguruar punësim dhe mbështetje për jetën në një vendbanim me nën 50 000 banorë, shtoi Efremova. Masa financohet në kuadër të Programit “Zhvillimi i Burimeve Njerëzore”. Aplikimet fillojnë në shtator.

Me “Unë Zgjedh Bullgarinë” jemi përpjekur të mbulojmë një pjesë të madhe të procesit dhe organizimit që rrethon zhvendosjen e një personi - nga transporti i mallrave shtëpiake, deri te vendosja dhe gjetja e një pune. Ne kemi menduar për përshtatjen në vend të anëtarëve të familjes që nuk janë shtetas bullgarë, por duan të gjejnë një punë, shpjegon Efremova. Për të përfituar nga mbështetja, aplikantët duhet të plotësojnë një nga dy kërkesat: ose të kenë jetuar jashtë vendit për 12 nga 18 muajt e fundit, ose të kenë përfunduar së fundmi arsimin e tyre jashtë vendit.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BTA