Kuvendi Popullor vendos kontroll të shtuar mbi çmimet për një periudhë njëvjeçare, duke filluar nga data 8 gusht 2025. Këtë vendim e morën deputetët me votimin në lexim të dytë të Ligjit për pranimin e euros në Bullgari, raportoi gazetari i BNR, Daniell Inkov. Ata i dhanë një periudhë lehtësuese bizneseve deri më 8 tetor, gjatë së cilës të fusin etiketimin e dyfishtë dhe faturat me çmime në leva dhe euro.
Sipas teksteve të votuara, Këshilli i Ministrave mund të miratojë kundërmasa të përkohshme në rast të një rritjeje të ndjeshme të çmimeve të mallrave dhe shërbimeve thelbësore. Kjo vlen për bukën, qumështin, vezët, miellin, vajin, ujin e pijshëm, si dhe energjinë elektrike dhe ngrohjen për nevojat familjare, ilaçet me recetë që nuk rimbursohen nga Fondi i Shëndetësisë dhe produktet themelore të higjienës personale.
Tregtarëve që formojnë çmimet në mënyrë të pandershme gjatë periudhës së etiketimit të dyfishtë në leva dhe euro do t’u vendosen gjoba nga 5 mijë deri në 1 milion leva, vendosën gjithashtu deputetët. Një vendim tjetër përcakton që rrjetet e mëdha të shitjes me pakicë duhet të publikojnë çmimet përfundimtare të shitjes së mallrave dhe shërbimeve të ofruara nga shporta e madhe e konsumatorit në faqet e tyre të internetit çdo ditë.
Lexoni më tepër mbi temën nga arkivi i Radio Bullgarisë:
Redaktoi: Diana Cankova
Përgatiti në shqip dhe publikoi: Vesella Mançeva
Foto: BTA
Norma bazë e interesit në vend do të ulet në 1.82 për qind nga 1 gushti 2025, njoftoi Banka Kombëtare Bullgare (BNB). Ulja është 0.09% krahasuar me korrikun, kur ishte në nivelin 1.91 për qind. Norma e thjeshtë vjetore e interesit është ulur për të..
Fushata informuese për futjen e euros në Bullgari është vonuar, tha për Televizionin Kombëtar Bullgar (BNT) zëvendëskryeministri Tomisllav Donçev. "Ky është një ndryshim i madh dhe njerëzit kanë frikë nga ndryshimi", shtoi ai. I pyetur nëse çmimet e..
Pagesa e pensioneve të reja, më të larta, të cilat hynë në fuqi në fillim të muajitkorrik, ka filluar. Rritja u bë sipas të ashtuquajturit "rregull zviceran", sipas të cilit pensionet në Bullgari përditësohen në përputhje me inflacionin. Rritja këtë..
Norma bazë e interesit në vend do të ulet në 1.82 për qind nga 1 gushti 2025, njoftoi Banka Kombëtare Bullgare (BNB). Ulja është 0.09% krahasuar me..