Norma bazë e interesit në vend do të ulet në 1.82 për qind nga 1 gushti 2025, njoftoi Banka Kombëtare Bullgare (BNB). Ulja është 0.09% krahasuar me korrikun, kur ishte në nivelin 1.91 për qind. Norma e thjeshtë vjetore e interesit është ulur për të 11-tin muaj radhazi.

BNB miratoi gjithashtu 3 rregullore të reja për futjen e euros në qarkullim. Rregullorja nr. 46 rregullon ngarkimin dhe ringarkimin fillestar të kartëmonedhave euro, monedhave euro dhe kompleteve fillestare me monedha euro sipas kërkesave të BE-së dhe Bankës Qendrore Evropiane. Rregullorja nr. 47 rregullon ndalimin dhe vlerësimin nga ekspertët e kartëmonedhave dhe monedhave lev që ngrenë dyshime se ato janë të falsifikuara pas futjes së euros. Rregullorja nr. 48 rregullon shkëmbimin e kartëmonedhave dhe monedhave lev të dëmtuara në euro pas 1 janarit 2026. Rregulloret janë të disponueshme në faqen e internetit të BNB-së.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BGNES