Ministri bullgar i Bujqësisë Georgi Tahov zhvilloi një takim online me Zëvendësministren e Bujqësisë në Rumani Violeta Mușat dhe Sekretarin e Përgjithshëm të Ministrisë së Bujqësisë në Greqi, Spiros Protopsaltis. Sipas Ministrisë bullgare, ata kanë diskutuar situatën e ndërlikuar epizootike në Ballkan për shkak të përhapjes së lisëdhe gjuhës blu te gjedhët e vegjël.

Sipas informacionit të paraqitur, në Bullgari janë regjistruar 106 shpërthime të lisë në 5 rajone me gati 11 000 kafshë të prekura. Në Greqi, ku është futur gjendja e jashtëzakonshme në disa rajone, ka 600 shpërthime dhe 183 000 kafshë janë vrarë. Në Rumani, ka 19 shpërthime, me mbi 8000 kafshë të eutanizuara në 40 ditë.

Të tre vendet prezantuan masat që po zbatojnë kundër infeksioneve. Rreziku kryesor është trafikimi i paligjshëm i kafshëve të gjalla, i cili kontribuon në përhapjen e sëmundjeve. Është vendosur të forcohet shkëmbimi i informacionit dhe kontrolli mbi trafikimin e kafshëve.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: Ministria e Bujqësisë dhe Ushqimit