Komisioni për Mbrojtjen e Konkurrencës filloi një hetim në tregun e produkteve ushqimore të nevojës së parë, me qëllim përcaktimin e arsyeve për rritjen e çmimeve. Për këtë qëllim, autoriteti antimonopol kërkoi nga rrjetet tregtare të dhëna të plota për shitjet, çmimet dhe promocionet e produkteve bazë ushqimore si qumështi, djathi, vezët, vaji, mielli, mishi dhe uji mineral për periudhën nga 21 korriku deri më 4 gusht 2025. Përveç kësaj, rrjetet duhet të dorëzojnë edhe parashikimet e tyre për çmimet me pakicë dhe rritjet e pritshme të çmimeve deri në mesin e gushtit.

Komisioni do të përpiqet të sqarojë nëse rritja e çmimeve është ekonomikisht e justifikuar apo buron nga praktika të pandershme dhe antikonkurruese. Nëse zbulohen shkelje, parashikohen sanksione, përfshirë gjoba deri në 10% të qarkullimit të përgjithshëm vjetor për vitin financiar të fundit. Analiza po zhvillohet në kontekstin e hyrjes së pritshme të euros dhe synon të mbrojë konsumatorët nga rritje të pajustifikuara të çmimeve.

Redaktoi: Miglena Ivanova

Përgatiti në shqip dhe publikoi: Svetllana Dimitrova

Foto: cpc.bg