Shoqata kulturore bullgare "Ivan Vazov" në qytetin argjentinas të Berisso-s, provinca e Buenos Aires, do të festojë 70 vjetorin e themelimit të saj me një festë më 16 gusht 2025.

"Ky vit është shumë i rëndësishëm për ne, mbushen 70 vjet nga themelimi i kolektivit tonë dhe duam ta festojmë së bashku me të gjithë miqtë dhe partnerët që na kanë ndihmuar gjatë gjithë kohës, të vazhdojmë të promovojmë kulturën bullgare dhe të mbajmë gjallë lidhjet me vendin e origjinës së paraardhësve tanë", thanë anëtarët e shoqatës për Agjencinë Telegrafike Bullgare (BTA). Gjatë këtij eventi, do të shpallen emrat e ambasadorëve kulturorë që do ta përfaqësojnë shoqatën në festa dhe festivale të ndryshme vendase këtë vit dhe vitin e ardhshëm.

Shoqata Kulturore Bullgare “Ivan Vazov” në qytetin argjentinas Berisso u krijua në vitin 1955 me qëllim bashkimin e pasardhësve të bullgarëve që u zhvendosën në Argjentinë në gjysmën e parë të shekullit të 20-të. Kurset e gjuhës, festimet e festave kombëtare, së bashku me bibliotekën e themeluar me libra në gjuhën bullgare dhe grupin e vallëzimit “Sedjanka” janë një rast për takime midis bashkatdhetarëve tanë në vend, kujton BTA.

Mësoni më shumë për bullgarët në Argjentinë në arkivin e Radio Bullgarisë:

• Polja Stançeva zbulon historinë e emigrantëve bullgarë në Argjentinë me një film

• Anabell Casaboff, një balerinë nga Buenos Aires, e dashuruar me vallet popullore bullgare

• Aksinija Ivanova dhe Ivan Cankov mbi diplomacinë kulturore të emigracionit të ri bullgar në Argjentinë

• Duke menduar për Bullgarinë në Argjentinën e largët

• Antoaneta Maxharova – drejtoreshë artistike e një qendre kulturore në Argjentinë

• Leandro Matias Ponse - ose si një argjentinas hyn në një takt me ritmet bullgare

Përpiloi: Joan Kolev

Përgatiti në shqip dhe publikoi: Vesella Mançeva

Foto: Facebook /Sociedad Cultural Búlgara Ivan Vazov de Berisso