Agjencia e Punësimit po aplikon në kuadër të programit "Zhvillimi i Burimeve Njerëzore", pjesë e masës "Unë Zgjedh Bullgarinë". Qëllimi i operacionit është krijimi i kushteve dhe stimujve për vendosjen e përhershme në Bullgari të bullgarëve që jetojnë jashtë vendit, personave me origjinë bullgare dhe kandidatëve nga vendet e treta që nuk kanë nevojë për leje për të hyrë në tregun e punës, sipas legjislacionit bullgar. Një partner i përshtatshëm për zbatimin e projektit është Agjencia Ekzekutive për Bullgarët Jashtë Shtetit.
Pritet që në kuadër të masës të ofrohen shërbime për akses në tregun e punës nga Agjencia e Punësimit, ndihmë të njëhershme për zhvendosjen e sendeve shtëpiake dhe një pagesë akomodimi për një periudhë deri në 12 muaj. Ndihma e njëhershme për zhvendosjen e sendeve shtëpiake brenda Bashkimit Evropian është deri në 5000 leva (rreth 2500 euro), dhe jashtë Bashkimit Evropian - deri në 10 000 leva (rreth 5000 euro). Kostoja e mundshme për zhvendosjen e sendeve shtëpiake nga vendet që janë kandidate për anëtarësim në BE, si dhe Kosova, është deri në 5000 leva (rreth 2500 euro). Ndihma për akomodim që një pjesëmarrës në masë mund të marrë është 406 leva (rreth 203 euro) në muaj për një periudhë deri në një vit, dhe një kërkesë e detyrueshme për këtë mbështetje është që kandidati të fillojë të punojë në një vendbanim në të cilin nuk zotëron një shtëpi të vet.
Për pjesëmarrësit në projekt që janë shtetas të huaj, ose për anëtarët e familjes që janë shtetas të huaj, përfshirja në trajnimin e gjuhës bullgare është e lejueshme, gjë që do të lehtësojë integrimin e tyre më të shpejtë në tregun e punës në Bullgari.
Në kuadër të projektit gjithashtu mund të ofrohen stimuj për transportin deri në dhe nga vendi i punës për një periudhë deri në 12 muaj, përveç rasteve kur kryhet punë në distancë ose puna bëhet nga shtëpia.
Lexoni më tepër në arkivin e Radio Bullgarisë:
Përpiloi: Miglena Ivanova
Përgatiti në shqip dhe publikoi: Vesella Mançeva
Foto: Agjencia Ekzekutive për Bullgarët Jashtë Shtetit (arkiv)
Si çdo vit, të shtunën e dytë të muajit gusht fillon sezoni i gjuetisë për thëllëzën, pëllumbin e egër, turtullin dhe në përgjithësi për speciet shtegtuese të egra. Sipas rregullave të përcaktuara, gjuetia kryhet vetëm gjatë ditës – një orë para lindjes..
Një marshim i quajtur “Kambana e Paqes” po kalon nëpër Bullgari. Iniciativa vjen nga një shoqatë gjermane me të njëjtin emër. Pjesëmarrësit besojnë fort se njerëzit e zakonshëm duhet të bëjnë gjithçka që munden për të ruajtur paqen, sidomos në kohë..
Një shfaqje ajrore mbresëlënëse do të shoqërojë festivalin legjendar të hiteve të viteve ’90 – SPICE Music. Spektakli ajror organizohet për herë të parë në kuadër të edicionit të sivjetshëm, me rastin e 20-vjetorit të krijimit të ndërmarrjes..
Një marshim i quajtur “Kambana e Paqes” po kalon nëpër Bullgari. Iniciativa vjen nga një shoqatë gjermane me të njëjtin emër. Pjesëmarrësit besojnë fort..
Një shfaqje ajrore mbresëlënëse do të shoqërojë festivalin legjendar të hiteve të viteve ’90 – SPICE Music. Spektakli ajror organizohet për herë të parë..
Si çdo vit, të shtunën e dytë të muajit gusht fillon sezoni i gjuetisë për thëllëzën, pëllumbin e egër, turtullin dhe në përgjithësi për speciet..
Mot i kthjellët