49.2% e qytetarëve bullgarë mbështesin anëtarësimin në eurozonë, dhe 45.8% janë kundër. Kjo tregohet nga një anketë nga "Alfa Research", e kryer në periudhën 8-22 korrik midis 1200 qytetarëve dhe 500 përfaqësuesve të biznesit, si pjesë e monitorimit të qëndrimeve publike ndaj anëtarësimit të vendit në eurozonë. Anketa është zhvilluar me kërkesë të Ministrisë së Financave. Biznesi është më optimist, me 69% që shprehin mbështetje, dhe 30.2% që nuk e mbështesin.

Shqetësimet kryesore midis qytetarëve bullgarë mbeten të lidhura me efektet afatshkurtra menjëherë para dhe pas futjes së euros. Shumica kanë frikë nga spekulimet dhe rritjet artificiale të çmimeve - 71%.

• Ekonomia e pritshmërisë– si frika nga rritja e çmimeve në fakt çon në rritjen e çmimeve

• Futja e euros nuk do ta bëjë turizmin më të shtrenjtë, madje do të ulë disa çmime

Sa i përket efekteve afatgjata, si qytetarët, ashtu edhe bizneset, kanë pritje optimiste, dhe ato janë veçanërisht të shprehura fuqishëm midis sipërmarrësve (65% pozitive dhe 22% negative). Ndër pritjet pozitive janë komoditeti gjatë udhëtimeve dhe pagesës jashtë vendit, duke lehtësuar tregtinë tonë me vendet e tjera evropiane, pa humbje gjatë shkëmbimit leva - euro.

• Zyrtarisht jemi në eurozonë – a vazhdojnë shqetësimet mes bullgarëve?

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: Pixabay, alpharesearch.bg