Një sulm i dyshuar rus që synonte Ursula von der Leyen gjatë fluturimit të saj të dielën çaktivizoi shërbimet e navigimit GPS në aeroportin e Plovdivit, duke e detyruar aeroplanin të ulej, raportoi Financial Times. Agjencia Bullgare e Kontrollit të Trafikut Ajror konfirmoi incidentin.

Në lidhje me raportet e mediave për fluturimin e Presidentes së Komisionit Evropian për në Bullgari, shërbimi informativ qeveritar raportoi gjithashtu se gjatë fluturimit të Ursula von der Leyen për në Plovdiv, kishte një neutralizim të sinjalit satelitor që furnizonte informacion në sistemin e navigimit GPS të aeroplanit. Gjatë përgatitjes për ulje në aeroportin e Plovdivit, sinjali GPS u zhduk. Për të siguruar një fluturim të sigurt , Kontrolli i Trafikut Ajror menjëherë propozoi një qasje alternative për ulje duke përdorur ndihma navigimi tokësore (sistemi i uljes me instrumente).

"Ndihmat e navigimit tokësore që përdor Bullgaria janë të pavarura nga sistemet GPS dhe lejojnë një ulje të sigurt dhe të besueshme", tha shërbimi i shtypit qeveritar. Nuk ishte e nevojshme devijimi i fluturimit. Fluturimi i Ursula von der Leyen u krye në një aeroplan të marrë me qira nga Komisioni Evropian. Kujtojmë se, si pjesë e vizitës së saj, von der Leyen dhe Kryeministri bullgar Rosen Zheljazkov vizituan të dielën, 31 gusht, ndërmarrjen më të madhe ushtarake shtetërore në Bullgari - "VMZ Sopot”.

• Ursula Von Der Leyen: Bullgaria kontribuon në sigurinë e përbashkët të Bashkimit Evropian

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: Këshilli i Ministrave