Dega e Universitetit të Ruses në Taraklia, Moldavi, filloi vitin e saj të parë akademik. Ngjarja u përcaktua si historike, pasi kjo është dega e parë dhe e vetme e një universiteti bullgar jashtë vendit. Dega u hap më 24 maj të këtij viti, pasi autoritetet moldaviane miratuan transformimin e Universitetit Shtetëror të Taraklias "Grigorij Cambllak" në një degë të institucionit të arsimit të lartë në Ruse, kujtoi Universiteti i Ruses.
Në hapje morën pjesë rektorja e Universitetit të Ruses, Prof. e Asoc. Dr. Desisllava Atanasova, drejtoresha e degës së Taraklias, Prof. e Asoc. Dr. Valentina Vasileva, ambasadorja e Bullgarisë në Moldavi, Shkëlqesia e Saj Maja Dobreva, Konsulli i Nderit i Moldavisë në Bullgari, Stavrin Mihajllov Ginoolu, dhe të tjerë.
"Me kënaqësi të madhe ju uroj mirëseardhjen në këtë vit të parë akademik për degën e Universitetit në Taraklia. Viti i ri akademik është fillimi i një rruge të re - një rruge drejt dijes, profesionalizmit dhe rritjes personale", tha rektorja, Prof. e Asoc. Desisllava Atanasova, në fjalimin e saj.
Në degën në Taraklia, trajnimi do të zhvillohet nga rreth 30 pedagogë nga ish-Universiteti Shtetëror i Taraklias, si dhe nga stafi akademik i Universitetit të Ruse-s.
Në vitin akademik 2025/2026, do të studiojnë 175 studentë të vitit të parë, ku interesi më i madh është regjistruar në specialitetet "Biznes dhe Menaxhim", "Shkencë Kompjuterike" dhe “Teknologji bujqësore dhe transportit automobilistik". Shumica e studentëve janë të rinj nga rajoni i Taraklias dhe zonat fqinje, ku jeton një komunitet i konsiderueshëm bullgar. Pothuajse të gjithë u pranuan sipas Dekretit nr. 103 të Këshillit të Ministrave të Bullgarisë, i cili ofron një mundësi për trajnimin e bullgarëve nga jashtë vendit.
Festimi përfundoi me interpretime të këngëve dhe koreve popullore bullgare - një simbol i lidhjes shpirtërore midis Bullgarisë dhe komunitetit bullgar në Moldavi.
Redaktoi: Miglena Ivanova
Përgatiti në shqip dhe publikoi: Vesella Mançeva
Foto: Foto: Universiteti i Ruses "Angell Kënçev"
Nxënësit e shkollave të mesme bullgare fituan 4 medalje në Olimpiadën e 32-të Ballkanike të Informatikës, të mbajtur në Udine të Italisë. Në garën e gati 50 nxënësve nga 12 vende, shkencëtarët vendas të informatikës u dekoruan me një medalje ari, një..
Gjatë vitit akademik 2025/2026, Holanda, Austria, Gjermania, Italia dhe Spanja janë ndër vendet më të kërkuara për arsimin e lartë nga maturantët bullgarë. Këtë e bëri të ditur Nikollaj Hristanov në edicionin e vjeshtës të panairit “Arsimi..
Rajoni Jug-Qendror i Bullgarisë është rajoni në Bashkimin Evropian me shkallën më të lartë të vdekshmërisë nga sëmundjet kardiovaskulare - 66.2% e të gjitha vdekjeve, sipas të dhënave të Eurostat. Ajo është dy herë më e lartë nga ajo mesatare e BE-së..
Kur kontributi në fushën e shkencës kthehet në bazë për studime të mëtejshme të thelluara, kufijtë midis shteteve dhe kontinenteve sikur shkrihen – në..
Hapësira virtuale, në të cilën mund të gjeni informacion për restorantet bullgare në territorin e Berlinit, shërbimet që ofrojnë bashkatdhetarët tanë –..
Si të ruhet dhe mirëmbahet besimi i publikut në media - kjo është tema qendrore për pjesëmarrësit në Konferencën Vjetore të Shoqatës Ndërkombëtare të..
Vranësira të ndryshueshme mundësi për reshje shiu
Vranësira
Vranësira të dendura
Vranësira të dendura me shi