"Ne tërheqim edhe shumë anëtarë fizikë – njerëz drejtpërdrejt të lidhur me kauzën e shkollave të së dielës dhe ndihmojnë jashtëzakonisht shumë. Midis organizatorëve të takimit tonë vjetor nga Universiteti i Veliko Tërnovos – profesoret Cenka Ivanova dhe Maria Ilieva tashmë janë anëtare të shoqatës sonë. Këto janë drejtimet e reja, të cilat i ndjekim – drejt hapjes, transparencës dhe kërkimit të lidhjeve më të ngushta me anëtarët tanë. Kalendari ynë është shumë i pasur. Kjo shihet edhe nga faqja e Shoqatës – shumë ngjarje organizojnë anëtarët tanë, çdo festë si fillim dhe fund i vitit shkollor shënohet shumë solemnisht për nxënësit. Gjithashtu kemi forume jashtëzakonisht serioze dhe të organizuara mirë për lidhjen e shkollës bullgare me arsimin e lartë, të kushtuara mbi risi në teknologji, me probleme metodike të arsimimit në gjuhën bullgare dhe aktivitetet jashtëshkollore."

Pjesa më e madhe e fëmijëve bullgarë në shkollat e së dielës jashtë vendit dalin me nivel të mirë të zotërimit të gjuhës bullgare, megjithëse në mjedis të gjuhës së huaj – shpjegon dr. Maja Padeshka. Dhe me testin në gjuhën bullgare si gjuhë e huaj ata mund të aplikojnë në universitetet në Bullgari, sepse rezultatet e tij pranohen si provim pranimi. Sipas fjalëve të saj, ekipet e shkollave të së dielës "luftojnë" për çdo fëmijë të vetëm, që dëshiron të vazhdojë të ndjekë dhe të studiojë në shkollë të lartë në Bullgari. Por kjo rezulton e vështirë, sepse ka mospërputhje midis marrjes së diplomave jashtë vendit dhe afateve për aplikim në Bullgari. Ky problem është vënë në një takim të posaçëm në Komisionin Parlamentar për Arsim në Sofje – ndau dr. Padeshka, vetë ajo pedagoge në universitet në Itali dhe drejtoreshë e shkollës bullgare të së dielës "Asen dhe Ilija Pejkovi" në Romë. Ajo komentoi edhe numrin vazhdimisht në rritje të shkollave jashtë vendit – në listën, e aprovuar nga MASH për vitin shkollor 2025/26 janë treguar 277, shumë prej të cilave kanë dy ose më shumë filiale:

"Shkollat me të vërtetë bëhen më shumë, por ende numri i fëmijëve në to është i vogël në krahasim me përqindjen e përgjithshme të fëmijëve me origjinë bullgare nëpër vende. Për fat të keq kjo varet vetëm nga vullneti i familjeve, prandaj duhet të punohet me ta dhe rol motivues në këtë drejtim duhet të kenë edhe Agjencia Ekzekutive për Bullgarët jashtë vendit, edhe MASH, edhe ABUÇ, të cilët të punojnë së bashku mes komuniteteve bullgare në botë – sqaron Maja Padeshka. – Shkollat tona me të vërtetë japin shumë, jo vetëm si përcjellje e traditës, japin një gjuhë, një kulturë më shumë. MASH u dëgjua me propozimet tona për krijimin e programeve adekuate mësimore për nxënësit tanë dhe kjo ndodhi në fillim të këtij viti, kur u aprovuan programet e reja mësimore për gjuhën bullgare si të dytë. Për herë të parë me këmbëngulje të komunitetit tonë u miratuan edhe programe për etapat parashkollore (mosha 4-6 vjeç). Tek ne vijnë shumë fëmijë në këtë moshë, dhe kjo është periudhë shumë e rëndësishme e adaptimit ndaj gjuhës bullgare, dëgjim aktiv, grumbullim dhe shfaqje e kësaj të folure. Po punohet edhe mbi programe nga nivelet "B" për përvetësimin e gjuhës. Kjo është një bazë shumë e mirë."

Gjithçka megjithatë është në duart e prindërve, të cilët duhet të kenë dëshirë dhe të ndajnë kohë personale, që të çojnë fëmijët e tyre në shkollë bullgare. Ndonjëherë distancat janë të mëdha, por në ndihmë janë edhe format në distancë, të cilat shumë nga shkollat jashtë vendit i ofrojnë, kujton Maja Padeshka.