Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Veliko Tërnovo është mikpritës i një seminari për lektorët e gjuhës bullgare në mbarë botën

Foto: Universiteti i Veliko Tërnovos "Shën Kirili dhe Metodi"

Universiteti i Veliko Tërnovos është organizator i Seminarit të Dytë Organizativ- Metodologjik me lektorë të gjuhës, letërsisë dhe kulturës bullgare në universitete jashtë vendit. E ftuar zyrtarisht në ceremoninë e hapjes së forumit ishte Ilijana Jotova, Zëvendëspresidente e Bullgarisë, njoftoi universiteti në Facebook.

Forumi i kushtohet zhvillimit dhe popullarizimit të studimeve bullgare jashtë vendit dhe bashkon përfaqësues të universiteteve dhe institucioneve bullgare me lektorë nga universitete të huaja.

Në fjalën e saj përshëndetëse, Prof. e Asoc. Dr. Anna Ivanova, Zëvendës Rektore për Çështjet Ndërkombëtare e Universitetit të Veliko Tërnovos, theksoi rolin e rëndësishëm të lektorëve si ambasadorë të spiritualitetit bullgar jashtë vendit.

Programi i seminarit përfshin një bllok tematik "Lektoratet e gjuhës, letërsisë dhe kulturës bullgare në universitetet jashtë vendit: bashkëveprimi midis institucioneve dërguese dhe pritëse", që mbulon diskutime mbi gjendjen aktuale të lektorateve, trendet dhe perspektivat e zhvillimit, komunikimin me misionet diplomatike, ndarjen e praktikave të mira dhe përvojës së huaj.

Në forum marrin pjesë lektorë bullgarë - specialistë të gjuhës dhe kulturës bullgare, të cilët punojnë në universitete në Shqipëri, Kosovë, Maqedoninë e Veriut, Portugali, Gjermani, Austri, Britani të Madhe, Rumani, Greqi, Irlandë, Kroaci, Gjeorgji, SHBA, Itali, Poloni, Hungari, si dhe pjesëmarrës online nga Azerbajxhani, Franca, Gjermania dhe Italia.

Lexoni më tepër në arkivin e Radio Bullgarisë:

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: Universiteti i Veliko Tërnovos "Shën Kirili dhe Metodi"



Последвайте ни и в Google News Showcase, за да научите най-важното от деня!

Më shumë nga rubrika

Një mision ndërkombëtar rekomandon forcimin e pavarësisë së Radios Kombëtare Bullgare dhe Televizionit Kombëtar Bullgar

Bullgaria vazhdon të jetë ndër vendet e BE-së me deficitet më serioze në fushën e lirisë së medias.  Ky është përfundimi i Koalicionit të organizatave ndërkombëtare që punojnë në fushën e lirisë së shtypit, i cili kreu një mision faktmbledhës..

botuar më 25-09-26 1.47.MD

Nga data 20 tetor fillon programi i bullgaristikës në Universitetin e Illinoisit

"Një moment historik për Bullgaristikën në SHBA!" – me një postim me këtë titull, konsulli i përgjithshëm i Bullgarisë në Çikago, Svetosllav Stankov, njoftoi lajmin se më 20 tetor 2025, në Universitetin e Illinois-it në Urbana-Champaign, nis..

botuar më 25-09-24 4.20.MD

Pas zjarreve dhe thatësirës vijnë përmbytjet - cili është parandalimi?

Gjatë gjithë verës, dhe madje edhe tani, Bullgaria ka luftuar zjarre të shumta - fushore dhe pyjore. Në të njëjtën kohë, mbi gjysmë milioni njerëz janë pa ujë ose në një regjim të rreptë uji . Të zhytura në problemet aktuale, si qytetarët, ashtu..

botuar më 25-09-23 7.25.MD