Nuk është raportuar pengim i sinjalit GPS në aeroplanin me të cilin udhëtonte kryetarja e Komisionit Europian Ursula von der Leyen, deklaroi zëvendëskryeministri dhe ministri i transportit Grozdan Karaxhov për bTV, i cituar nga BTA. Ai e përkufizoi rastin si 'i ashtuquajturi pengim' dhe konfirmoi se në një bisedë të rrjedhur midis pilotit të aeroplanit dhe kullës, piloti ka folur për 'disa probleme' me GPS-in.

As aviacioni civil, as Forcat Ajrore në Sofje dhe në Plovdiv, madje as regjistrimet e Komisionit për Rregullimin e Komunikimeve, të cilat regjistrojnë të gjithë spektrin dhe atë që përdoret nga transmetuesit GPS, nuk tregojnë ndonjë ndërprerje në sinjalin e GPS-it," tha ministri.

Grozdan Karaxhovi ishte kategorik se askush nga qeveria bullgare nuk e ka mashtruar Komisionin Evropian dhe mohoi që të ketë pasur komunikim mes Sofjes dhe Brukselit për këtë çështje.

“Sistemet në bordin e avionit kanë qenë në gjendje të rregullt, makina është drejtuar vazhdimisht nga Kontrolli i Trafikut Ajror dhe avioni ka qenë i dukshëm nga sistemet e vëzhgimit të hapësirës ajrore,” deklaroi Kryeministri Rosen Zheljazkov gjatë një seance dëgjimore në Kuvendin Popullor, transmetoi Agjencia Telegrafike Bullgare (BTA).

Sipasfjalëve të tij, vonesa e fluturimit ka qenë rreth 5 minuta, gjë që është e pranueshme. Kryeministri shtoi se nuk janë marrë raporte për ndonjë ndikim nga mjetet e tjera ajrore që kanë fluturuar në zonë.

Lexoni më tepër në arkivin e Radio Bullgarisë:

• KE: Aeroplani me Ursula Von der Leyen qarkulloi mbi Plovdiv për një orë e gjysmë

• Kryeministri Rosen Zheljazkov mohoi se ka pasur një sulm kibernetik ose hibrid ndaj avionit të Ursula von der Leyen

• Sulm hakerash detyroi aeroplanin e Ursula von der Leyen të ulet pa GPS në Plovdiv

Përgatiti në shqip dhe publikoi: Vesella Mançeva

Foto: BTA