Kryeministri rumun Ilie Bollozhan zhvilloi një bisedë telefonike me homologun e tij bullgar, Rosen Zheljazkov. Të dy diskutuan projekte të transportit dhe përmirësimin e lundrimit në lumin Danub, njofton agjencia AGERPRES, e cituar nga BTA. Sipas një komunikate për shtyp të qeverisë rumune, tema kryesore e bisedimeve ishte ndërtimi i një ure të dytë mbi Danub pranë qytetit Ruse, me qëllim uljen e fluksit të trafikut dhe të ngarkesës operative në pikën aktuale të kalimit kufitar. Për këtë qëllim, do të krijohet një grup pune i përbashkët për analizimin dhe koordinimin e projekteve ndërkufitare.
Dy kryeministrat u dakorduan gjithashtu për forcimin e bashkëpunimit në kuadër të Partneritetit Strategjik mes Rumanisë dhe Bullgarisë në fushën e sigurisë detare në Detin e Zi dhe mbrojtjes së lirisë së lundrimit dhe tregtisë.
Redaktoi: Ivo Ivanov
Përgatiti në shqip dhe publikoi: Svetllana Dimitrova
Foto: Pixabay
Rritja e pagës minimale (PM) mbështetet nga 54.1% e bullgarëve. Një e treta e të anketuarve mendojnë se PM duhet të jetë e barabartë me pagën e nevojshme për jetesë. Këto tregojnë rezultatet e një sondazhi përfaqësues të agjencisë “Mjara”, i porositur..
Çmimi mesatar i banesave të blera në Sofje në tremujorin e tretë të vitit 2025 arriti në 2,310 euro/m², që është një rritje vjetore prej 25.5%, sipas të dhënave nga Bulgarian Properties. Ndërtimet e reja mbeten më të preferuarat, por mungesa e..
Botimi i katërmbëdhjetë i DiVino.Taste – forumi më i rëndësishëm i përkushtuar verës bullgare dhe mjeshtërve të saj – do të mbahet nga 28 deri më 30 nëntor në Qendrën Inter Expo në Sofje. Në të do të prezantohen mbi 80 prodhues nga të gjitha rajonet e..