Qeveria e Rosen Zheljazkovit i mbijetoi votës së pestë të mosbesimit, këtë herë me temën "Siguria e Brendshme dhe Drejtësia". Me 133 vota "kundër" nga një total prej 234, deputetët nga GERB-SDS, DPS-Fillimi i Ri, BSP dhe ITN shpëtuan kabinetin. 101 deputetë nga PP-DB, "Vëzrazhdane", APS, MEÇ dhe Veliçie votuan "pro" dhe asnjë nuk abstenoi.
Vota e mosbesimit u shoqërua me protesta. Para fillimit të seancës parlamentare, deputetët e "Po e Vazhdojmë Ndryshimin" (PP) parkuan makina para hyrjeve të parkingut të Kuvendit Popullor me fotografi të kryetarit të arrestuar të Varnës, Bllagomir Kocev, dhe nënkryetarit të kryeqytetit, Nikolla Barbutov, të ngjitura mbi to.
“Sot Peevski dhe Borisov do të duhet të ecin në këmbë sepse protesta për Bllagon dhe Nikolla Barbutov nuk i lejon ata të hyjnë nga hyrja e pasme me gjithë rojën e tyre. Është koha që ata të ecin mes njerëzve”, shprehu qëndrimin e tij ish-kryeministri Kirill Petkov. Pasoi një shkëmbim i shëmtuar fyerjesh midis kreut të “DPS - Fillimi i Ri” Deljan Peevski dhe bashkëkryetarit të PP Asen Vasilev, i cili vazhdoi edhe në sallën plenare.
Më vonë, “Vëzrazhdane” mbajti një protestë antiqeveritare pranë ndërtesës së parlamentit. Njerëzit thanë se do të vazhdonin demonstratat derisa kabineti të jepte dorëheqjen, raportoi gazetari i BNR-së Nikollaj Hristov.
“Resurset e “Po e Vazhdojmë Ndryshimin – Bullgaria Demokratike (PP-DB) nuk janë të mjaftueshme që ato të përfaqësojnë një alternativë funksionale dhe mjaftueshëm të fortë ndaj status quo-së”, komentoi politologu Ognjan Minçev për Radion Kombëtare Bullgare. Dhe sipas kolegut të tij Georgi Kirjakov, “roli i “DPS-Fillimi i Ri” në këtë shumicë dhe qeveri po forcohet gjithnjë e më shumë, dhe partia në pushtet do të varet gjithnjë e më shumë nga Deljan Peevski dhe partia e tij”.
“Ky votim nuk u krye dhe qeveria vazhdon punën e saj për stabilitetin në vend”, tha kryeministri Rosen Zheljazkov pas votimit. Ai komentoi gjithashtu tensionin e sotëm në parlament: “Politika ka të bëjë me fitimin e besimit, jo me mbjelljen e urrejtjes. Vendi për debat është në sallën e parlamentit.”
Redaktoi: Diana Cankova
Përgatiti në shqip dhe publikoi: Vesella Mançeva
Foto: BTA, BGNES
Në vitin 2024, Produkti i Brendshëm Bruto i vendit tonë u rrit në terma realë me 3.4% krahasuar me vitin e kaluar, sipas të dhënave nga Instituti Kombëtar i Statistikave, të cituara nga BTA. Të ardhurat kombëtare bruto me çmimet e tregut vitin e kaluar..
Mirëmbajtja e planifikuar vjetore e Njësisë 6 të centralit atomik “Kozlloduj” do të fillojë sot, 25 tetor, dhe pritet të zgjasë deri në fillim të dhjetorit, njoftoi centrali bërthamor. Gjatë mbylljes, do të kryhet mirëmbajtje gjithëpërfshirëse..
Të shtunën , temperaturat minimale do të jenë nga 6 deri në 11°, në Sofje – rreth 6°. Gjatë ditës , në pjesën veriore të Bullgarisë do të ketë periudha me shpërndarje dhe pakësim të vranësirave, por pasdite ato sërish do të shtohen dhe në mbrëmje..
Karburantet për tregun vendas janë siguruar plotësisht deri në fund të vitit, informoi Ministri i Energjisë Zheço Stankov në lidhje me vendimin e..
Të shtunën , temperaturat minimale do të jenë nga 6 deri në 11°, në Sofje – rreth 6°. Gjatë ditës , në pjesën veriore të Bullgarisë do të ketë..
Këshilli i Ministrave propozon transferimin e automjeteve të Shërbimit Kombëtar të Sigurisë te Administrata Presidenciale përmes një ndryshimi..
Reshje me bubullima
Vranësira të ndryshueshme mundësi për reshje shiu
Vranësira të dendura me shi
Reshje
Vranësira
Reshje intensive