Ndaje

Madhësia e tekstit

Radioja Kombëtare Bullgare © 2025 Të gjitha të drejtat janë të rezervuara

Fshati Trigrad është mikpritës i Tubimit Kombëtar të Qenit Karakaçan

botuar më 25-09-21 7.05.PD

Foto: nokkbg.org

Pak persona e dinë se kjo është kafsha e parë autoktone bujqësore bullgare e njohur nga Komisioni për Racat e Kafshëve pranë Ministrisë së Bujqësisë, që prej vitit 2005. Emrin e ka marrë nga barinjtë nomadë – karakaçanët, të cilët udhëtonin me tufat e tyre të mëdha nëpër kullotat e gadishullit Ballkanik, sipas faqes së Shoqatës Ndërkombëtare të Qenit Karakaçan.

Jetëgjatësia mesatare e kësaj race është 10–12 vjet, dhe ka nevojë për lëvizje të shumta dhe hapësira të mëdha. Sipas specialistëve, qeni karakaçan nuk është i përshtatshëm si kafshë shtëpiake, por është një kafshë bujqësore që ndihet e plotësuar vetëm kur "punon" – ruan tufa ose ndërtesa.

Cilësitë e jashtëzakonshme të punës e bëjnë qenin karakaçan të kërkuar si nga fermerët në Bullgari, ashtu edhe nga jashtë vendit. Qentë më të mirë të kësaj race do të mund të shihen këtë të diel, më 21 shtator, në Tubimin Kombëtar Tradicional të Qenit Karakaçan në fshatin Trigrad, në Bullgarinë Jugore, rajonin e Smoljanit.

Kafshët do të vlerësohen nga Dr. Asen Uzunov, kryetar i komisionit të gjykimit pranë Shoqatës Ndërkombëtare të Qenit Karakaçan, ndërsa përfaqësuesit më të mirë do të marrin çmime të veçanta. Është parashikuar edhe një program i pasur folklorik me performanca speciale që do të shoqërohen nga melodia tradicionale e gajdes së Rodopeve.

Për të qenë pjesë e kësaj feste, mjafton të kesh një qen karakaçan – ose thjesht dashuri për racën më bullgare të qenit.

Qeni karakaçan bullgar nuk kthehet nga luftimi me bishtin ulur

Përpiloi: Vesella Krësteva

Përgatiti në shqip dhe publikoi: Kostandina Bello

Foto: Organizata Kombëtare për Qenin Karakaçan, BTA

Последвайте ни и в Google News Showcase, за да научите най-важното от деня!

Radio Bullgaria SHOQËRI karakaçan qen Trigrad tubim

Më shumë nga rubrika

Ekip mjekësor bullgar do të kryejë kontrolle riprodhuese në Korçë

Për herë të parë, mjekë bullgarë të specializuar në riprodhimin e asistuar në Shqipëri, do të ofrojnë ndihmë mjekësore pa pagesë për çiftet me vështirësi riprodhuese. Iniciativa quhet: “Bullgaria dhe Shqipëria së bashku për një fëmijë më shumë të..

botuar më 25-11-07 1.46.MD

Në një hakaton në Sofje do të zhvillohen inovacione në kuadër të programit evropian hapësinor

Nga data 7 deri më 9 nëntor, “Sofia Tech Park” është mikpritës i edicionit të dhjetë të CASSINI Hackathons & Mentoring, i organizuar nga Komisioni Evropian dhe Agjencia e Bashkimit Evropian për Programin Hapësinor (EUSPA). Parku shkencor-teknologjik..

botuar më 25-11-07 10.10.PD

"Bullgaria dhe Shqipëria – së bashku për edhe një tjetër fëmijë të lindur!"

Fertility Europe, rrjeti panevropian i shoqatave të pacientëve me probleme riprodhuese, shpalli fillimin e Javës së nëntë Evropiane të Fertilitetit 2025 , e cila zgjat deri më 9 nëntor. Fushata zhvillohet në të gjithë Evropën dhe do të kalojë nën moton..

botuar më 25-11-05 2.30.MD

1
..
5
6
7
8
9
10

MOTI

Zgjidhni qytetin: Sofja

Reshje
min: 6 | maks: 9

BULLGARIA NË FOTOGRAFI

Cili artist bullgar me famë botërore ka pikturuar kartat QSL për Radio Bullgarinë?