Një rikthim i shumëpritur është tani fakt - 19 vjet më vonë, D2, një nga grupet më të dashura të rokut, është rikthyer në formacionin e tij origjinal. Gjatë këtyre pothuajse dy dekadave, ideja e kthimit të Diço-s si frontman është diskutuar shpesh, dhe vitin e kaluar, pas koncertit në Sallën 1 të Pallatit Kombëtar të Kulturës me rastin e 25-vjetorit të grupit, u mor vendimi që kjo të ndodhë.
Grupi ka intensifikuar veprimtarinë koncertale më këtë përbërje, dhe këto ditë u publikua edhe kënga e parë e re - "Para se të thuash jo". Teksti është nga Geri Turijska, muzika dhe aranzhimi janë punë e të gjithë grupit. Kjo baladë power rock në fakt daton që nga viti 2004. Meqenëse ajo ndërpreu bashkëpunimin e D2 me Diço-n, muzikantët vendosën të riktheheshin së bashku pikërisht me të. Kënga ka një aranzhim krejtësisht të ri dhe pjesë të reja.
Dimitër Kërnev - kitarist dhe kompozitor kryesor në grup - pohon se kimia midis tyre është e njëjtë edhe sot:

"Nuk na u desh kohë për t’u mësuar me të – këtë gjë e kemi bërë bashkë që kur ishim thuajse fëmijë. Dhe në këto 19 vjet që nuk kemi qenë me Diço-n, rruga e grupit ishte e qartë. Drejtimi muzikor, duke vazhduar zhvillimin e tij, bazohet vetëm në dashurinë për muzikën dhe në kuptimin tonë se çfarë është roku, çfarë është popi. Ashtu si kur ishim në fillim, kur kisha 7-8 këngë të përfunduara, është njësoj edhe tani. Unë krijoj muzikë pothuajse gjatë gjithë kohës - kam një studio ku punoj çdo ditë. Kështu që kur vitin e kaluar vendosëm të vazhdonim së bashku në rrugën tonë, muzika ishte problemi ynë i fundit - është gati dhe po e zbatojmë."
Lexoni më shumë në arkivin e Radio Bullgarisë:
Përgatiti në shqip dhe publikoi: Vesella MançevaFoto: Facebook/D2, Facebook/Dimitar Karnev
Hite roku me tekste dhe mesazhe serioze me të cilat është rritur më shumë se një brez – kjo është ajo që gjejmë në albumin e ri të grupit "Faktor", të titulluar "Kundër Kohës". Dhe koha duket se po punon në favorin e tyre, dhe për më shumë se..
Konkursi i 8-të Ndërkombëtar i Violinës "Vasko Abaxhiev" do të mbahet në Sofje nga 20 deri më 23 nëntor me një interes rekord. Organizatorët nga Klubi i UNESCO-s "Leonardo da Vinci" - Sofje janë të kënaqur me 32 aplikimet e marra nga 14 vende,..
"Kështu është jeta" – kjo është motoja e koncertit më 19 nëntor, në të cilin kompozitori Stefan Dimitrov bashkon emra legjendarë si Bogdana Karadoçeva, Mihaill Bellçev, Vëllezërit Argirovi, Mimi Nikollova, Doni, së bashku me artistë të rinj, por..