Skuadra kombëtare bullgare e volejbollit po shkruan histori në Filipine pasi pas 55 vitesh është përsëri në finalen e Kampionatit Botëror. Bullgarët janë ekipi më i ri në Kampionat, por kjo nuk i pengoi të arrijnë një sukses të madh, duke arritur medaljen e bronztë me një ndeshje 3:1 në një betejëtë rëndë me ekipin çek.

"Djem, qetësohuni! Е kemi fituar tashmë medaljen, por tani duhet të sulmojmë për arin" - u tha trajneri i ekipit bullgar Gianlorenzo Blengini lojtarëve, menjëherë pasi djemtë tanë fituan pikën e fundit në setin e katërt të ndeshjes së fortë me çekët. "Dua t'ju falënderoj për punën, për përmirësimin, për atë që të gjithë dhatë në procesin e punës!" - theksoi për mediat trajneri italian i ekipit kombëtar bullgar.

"Nuk mund ta besoj! Faleminderit të gjithëve! Nesër do të përpiqemi ta shndërrojmë në ar këtë medalje që fituam!" premtoi lideri i ekipit, Aleksandër Nikollov, i cili shënoi pikë vendimtare që sollën një kthesë në lojën e ekipit tonë.

Në prag të një arritjeje historike

Për herë të dytë në historinë e saj, skuadra kombëtare bullgare e volejbollit do të garojë për medaljen e artë në Kampionatin Botëror. Arritja e mëparshme e tillë ishte në vitin 1970, kur ekipi ynë luajti një finale tronditëse me ekipin e Republikës Demokratike Gjermane. "Ndeshja më 2 tetor 1970 ishte jashtëzakonisht e kontestuar. Në momentin e fundit Bullgaria humbi ndeshjen me 16:14, dhe me këtë edhe fitoren përfundimtare me 3:2 sete" - kujton BTA.

Por tani viti është 2025, djemtë bullgarë janë në formë të shkëlqyer volejbolli dhe tregojnë një përgatitje të jashtëzakonshme. Një hap larg majës, skuadra më e re e kampionatit në Filipine ka mundësinë të përmbushë ëndrrën më të madhe të volejbollit dhe t'i gëzojë të gjithë bullgarët. Ka mbetur edhe një ndeshje vendimtare - finalja të dielën, më 28 shtator, është në orën 13:30 sipas kohës bullgare. Suksese!

Përpiloi: Elena Karkallanova

Përgatiti në shqip dhe publikoi: Vesella Mançeva

Foto: FB/volleyBUL.official, AP/BTA, BTA