Për të tretin vit radhazi, fondacioni “Kujtesa Bullgare” i Dr. Milen Vrabevskit organizon dhe financon ekzaminime mjekësore falas për banorët e rajonit të Prespës së Vogël në Shqipëri - një rajon i populluar nga banorë me origjinë bullgare. Ekzaminimet e fundit të kryera nga mjekët bullgarë në vjeshtë ishin në fushat e kardiologjisë, mjekësisë së brendshme, endokrinologjisë, dermatologjisë dhe reumatologjisë. Për shkak të interesit të madh për ekzaminimet e fundit në fund të shtatorit do të ketë të reja në tetor, raporton fondacioni.

Datat e reja për kontrollet në poliklinikën në fshatin Pustec janë 24, 25 dhe 26 tetor, njoftoi ekipi i fondacionit “Kujtesa Bullgare” posaçërisht për Radio Bullgarinë.

Misioni i ri humanitar do të përfshijë specialistë në mamologji, vesh, hundë dhe fyt - otorinolaringologji, sëmundje të syve - oftalmologji dhe neurologji. Ekipi do të drejtohet nga Prof. Dr. Ivan Gavrilov, një onkolog nga Spitali Universitar në Sofje.

Qëllimi është të sigurojë qasje në kriza shëndetësore cilësore dhe parandalim për banorët e këtij rajoni kufitar, ku shpesh nuk ka qasje në shërbime të specializuara mjekësore, njofton faqja e internetit e fondacionit: https://bgmf.eu/

Mësoni më shumë nga arkivi ynë:

• Rajonet ku jetojnë bullgarë në Shqipëri është e nevojshme të kenë autonomi administrative

• Prof. Asoc. Dr. Raqi Bello: Shqiptarët janë një popull tolerant dhe i vlerësojnë bullgarët

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: Fondacioni "Kujtesa Bullgare"