Sofja po pret finalen e ER Champ 2025 – gara më e madhe ndërkombëtare e dhomave escape në botë. Eventi, më 19 dhe 20 tetor, do të përfshijë dymbëdhjetë ekipe nga e gjithë bota, të cilat arritën të zënë një vend të denjë midis më të mirave pas një kualifikimi konkurrues. Bullgaria nuk do të ketë një përfaqësues në finale, megjithëse vendi ynë merr pjesë me 16 ekipe në kualifikimet online. Megjithatë, vetë organizimi i eventit është një njohje e madhe, tha Nadezhda Danabasheva, kryetare e Shoqatës së Dhomave Bullgare Escape, në një intervistë për programin "Hristo Botev" në Radion Kombëtare Bullgare.

Dhomat e para escape u shfaqën në vendin tonë 11 vjet më parë dhe sot ato janë tashmë pjesë e një fenomeni global, duke tërhequr miliona pjesëmarrës në të gjithë botën. Ato ofrojnë një mënyrë origjinale për t'u zhytur në një botë tjetër - fjalë për fjalë dhe figurativisht. Çdo skenar ka temën e vet - nga misteret dhe historitë kriminale deri te fantashkenca dhe aventurat.

"Brenda një ore, ose një ore e gjysmë, pjesëmarrësit duhet të zbulojnë një enigmë, një mister ose të përmbushin një mision të caktuar. E tëra çfarë ju nevojitet është dëshira dhe gatishmëria për t'u argëtuar", shpjegoi Nadezhda Danabasheva.

ER Champ 2025 do të jetë gjithashtu tërheqës për adhuruesit ndërkombëtarë të dhomave еscape, të cilët do të shijojnë një program të pasur - mundësi për të parë finalet, për të marrë pjesë në lojëra tematike dhe për t'u argëtuar.

Përpiloi: Diana Cankova

Përgatiti në shqip dhe publikoi: Vesella Mançeva

Foto: erchamp.com, experience.bg, teorema.bg, madamebulgaria.com