Miro dhe ALMA sërish në një projekt të fuqishëm dhe emocional

Miro dhe ALMA sërish në një projekt të fuqishëm dhe emocional – “Atje”

botuar më 25-10-28 6.05.PD

Foto: @MiroHDOfficial

Kur dy emra yjesh bashkohen në një duet, suksesi është i sigurt. Kështu ndodhi me këngën nga Miro dhe ALMA “Më shumë”, dhe me siguri i njëjti fat do të ndiqet edhe nga bashkëpunimi i tyre i dytë – “Atje”. Kënga është krijuar gjatë kampit krijues Sofia Songwriting Camp, ku Miro, Juli nga grupi “Molec”, Denis Popstoev dhe autorja suedeze Kristin Langsrud kanë shkruar muzikën, ndërsa teksti është nga Miro dhe Dara Ekimova.

Këngëtari tregon si lindi ideja: “Në fillim bëra një version solo të këngës, por ajo sikur ‘qante’ për për ALMA-n dhe për melankolinë në zërin e saj, që unë e admiroj shumë. Tani gjithçka është në vendin e vet.” ALMA shton: “Është një privilegj i madh për mua që për herë të dytë të jem pranë Miro-s në një këngë bullgare kaq të fortë dhe emocionale!”

Videoklipi i këngës i jep historisë më tepër thellësi, pasi përfaqëson një film të shkurtër muzikor me regji dhe skenar nga Kris Zahariev, ndërsa operator është Boris Kallajxhiev. Klipi, i xhiruar tërësisht në shirit filmik paraqet brake dancer-in më të mirë të ri bullgar, Nikollaj Kafellov, dhe në rolin e vëllait të tij shfaqet aktori Cvetan Apostollov.

“Atje” publikohet një muaj para koncertit të madh të Miro-s në “Arena 8888 Sofja” më 26 nëntor, me të cilin këngëtari do të mbyllë turneun e tij nëpër vend.

Përpiloi: Diljana Traçeva

Përgatiti në shqip dhe publikoi: Kostandina Bello

Foto: youtube.com/@MiroHDOfficial

Последвайте ни и в Google News Showcase, за да научите най-важното от деня!