Shpallen Fituesit e Çmimeve Letrare Mbarëkombëtare “At’ Gjergj Fishta”

Milena Selimi fitoi çmimin për përkthimin më të mirë

botuar më 25-10-28 9.40.MD

Foto: Facebook/ Milena Selimi

Në Pallatin e Kulturës “Ded Ndue Lazri” në Lezhë u zhvillua ceremonia e ndarjes së Çmimeve Letrare Mbarëkombëtare “At’ Gjergj Fishta”. Ky edicion i çmimeve, tashmë me pesë vite traditë, vlerëson veprat më të spikatura të letërsisë shqipe në një hapësirë mbarëkombëtare. Juria, e përbërë nga poeti Rudolf Marku, pedagogia Erenestina Gjergji dhe gazetari Bajram Kosumi, vlerësoi dhe përzgjodhi me kujdes fituesit e merituar.

Çmimi në kategorinë e prozës iu dha Ermal Hasimjes për romanin “E shkuar e pakryer”, çmimi i poezisë i takoi Lulzim Tafës për vëllimin “Ekspozitë me ëndrra”, ndërsa çmimi për përkthimin më të mirë për vitin 2024-2025 iu dha Milena Selimit, për romanin “Kohëstrehim” të shkrimtarit bullgar Georgi Gospodinov (botuar nga Toena). Ky është çmimi i dytë kombëtar për veprën dhe përkthyesen.

Milena Selimi fitoi çmimin për përkthimin më të mirë në Panairin e 27-të të Librit në Tiranë për romanin bullgar "Kohëstrehim"

Në sallën plot me të rinj që ruajnë zërin e Gjergj Fishtës dhe trashëgiminë e vargjeve të tij të mrekullueshme, Milena mbajti një fjalë duke theksuar rëndësinë e këtij çmimi për rrugëtimin e saj të gjatë 20-vjeçar dhe duke përmendur lidhjet ndërkulturore që letërsia mund të krijojnë:

“Jo rastësisht dy autorët janë takuar sot, meqë nuk kanë asnjë shans të takohen në jetën fizike, sepse Gjergj Fishta është kronist i shpirtit shqiptar. Georgi Gospodinov gjithashtu është një Gjergj tjetër, kronist i shpirtit bullgar. Kështu që më duket një përkim i rastësishëm, por që është shumë i bukur, që këta dy autorë takohen sot nëpërmjet fjalës dhe gjuhës”.

Milena Selimi përkthen romanin ”Kohëstrehim” të autorit bullgar Georgi Gospodinov

Selimi nuk harroi të falenderojë dhe prindërit e saj:

“Faleminderit babait tim, Skënder Selimi, që mësoi Gjergj Fishtën dhe unë frymova me Lahutën e Malcis. Do të doja ta falenderoja edhe mentoren time, nënën time, Janka Selimi, një bullgare e cila ka dhënë kontribut për gjuhën shqipe dhe bullgare. Unë jam një njeri me dy kultura: marr gjuhën e mëmëdheut që është gjuha bullgare dhe pasuroj gjuhën shqipe, që është gjuha e atdheut tim”.

Fjalimin e saj emocionues Milena e përfundoi duke cituar disa fjalë të Georgi Gospodinov i cili thotë “Чудото на езика” – pra mrekullia e gjuhës: “Sot jemi këtu, të gjithë bashkë, vetëm nga mrekullia e gjuhës”. – përmbylli ajo.

Lexoni më tepër:

Prof. Zlatimir Kolarov prezanton romanin e tij "Në sipërfaqen e hollë të akullit" në Tiranë

Foto: Facebook/ Milena Selimi, Facebook/ Liridon Mulaj

Последвайте ни и в Google News Showcase, за да научите най-важното от деня!

Ndaje

Shpallen Fituesit e Çmimeve Letrare Mbarëkombëtare “At’ Gjergj Fishta”

Milena Selimi fitoi çmimin për përkthimin më të mirë

Më shumë nga rubrika

Galeria Kombëtare prezanton Christo dhe Jeanne-Claude me “Reichstagun e Paketuar”

Ekspozitë për “Iluministet e patrembura” – gratë bullgare që u thanë “jo” rregullave

Shoqata bullgaro–zvicerane “Kanatica” ndërton një Bullgari të vogël jashtë atdheut