Ekonomia e Bullgarisë do të rritet me 3 për qind këtë vit. Në vitin 2026, shkalla e rritjes do të ngadalësohet në 2.7 për qind, parashikon Ministria e Financave në Parashikimin e saj Makroekonomik të Vjeshtës. Analiza është ngarkuar në faqen e internetit të ministrisë. Krahasuar me parashikimin e pranverës, Ministria e Financave ruan pritjet e saj për rritje në vitin 2025 dhe rrit pak pritjet e saj për vitin 2026 me 0.2%.

Shkalla vjetore e inflacionit shënoi një përshpejtim të lehtë në 4.1 për qind sipas Indeksit të Harmonizuar të Çmimeve të Konsumatorit në shtator 2025. Inflacioni deri në fund të vitit parashikohet të ngadalësohet në 3.9 për qind, dhe vlera mesatare vjetore e tij pritet të jetë 3.6 për qind.

Borxhi i jashtëm bruto i Bullgarisë (publik dhe privat) u rrit me 20.2 për qind sipas bazës vjetore në 53.605 miliardë euro në fund të gushtit, tha Banka Kombëtare Bullgare. Në fund të së njëjtës periudhë në vitin 2024, Borxhi i Jashtëm Bruto ishte 44.590 miliardë euro. Shuma e Borxhit të Jashtëm Bruto është 47.7% e Produktit të parashikuar të Brendshëm Bruto të vendit, krahasuar me 42.6% të raportit për të njëjtën periudhë në vitin 2024.

Redaktoi: Ivo Ivanov

Përgatiti në shqip dhe publikoi: Vesella Mançeva

Foto: BTA