Një takim me temën "Ariu në kontekstin e ekoturizmit: mundësi dhe perspektiva" do të mbahet sot, 11 nëntor, në ndërtesën e Bashkisë së Smoljanit. Eventi është organizuar nga WWF Bullgaria dhe Shoqata "Horizonte të Reja" - Smoljan dhe synon të bashkojë përfaqësues të qendrave të informacionit turistik, shtëpive malore, operatorëve turistikë dhe personave të tjerë nga sfera e turizmit për të diskutuar dhe gjetur zgjidhje efektive për çështjet që lidhen me ekoturizmin dhe ruajtjen e specieve të kafshëve të rrezikuara. Do të diskutohet vëzhgimi i arinjve në Bullgari si pjesë e ekoturizmit. Do të prezantohen shembuj të suksesshëm nga Rumania dhe Italia të arinjve si një burim për zhvillimin e ekoturizmit. Takimi është organizuar në kuadër të projektit "Bashkëjetesa me arinjtë - le të flasim për ruajtjen e tyre", i financuar nga një program evropian.

Lexoni më tepër në arkivin e Radio Bullgarisë:

• Para gjumit dimëror, arinjtë e rinj nga Ukraina gjetën strehë në Bullgari

• WWF Bullgaria i kushton vëmendje mbrojtjes së arinjve

• Pse dhe si të bëhemi "Mbrojtës i Ariut"?

• Kujdes, ariu! Takimet e grabitqarit me popullsinë vendase po bëhen gjithnjë e më të shpeshta

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA-arkiv