Nominimi për menaxher special, i cili do të marrë përsipër katër kompanitë e "Lukoil Bullgaria", është Rumen Specov, njoftoi Ministri i Ekonomisë Petër Dillov. "Personi i nominuar nga unë përmbush të gjitha kërkesat ligjore", ishte kategorik Dillov. Vendimi u diskutua në Këshillin e Sigurisë pranë Këshillit të Ministrave, të thirrur nga Kryeministri Rosen Zheljazkov në lidhje me sanksionet e shpallura nga SHBA-të kundër kompanisë, të cilat do të hyjnë në fuqi më 21 nëntor. Rumen Specov është aktualisht drejtor ekzekutiv i Agjencisë Kombëtare të të Ardhurave. Ish-kampioni i bodibildingut dhe eksperti i politikës tatimore drejtoi agjencinë gjatë kohës së Ministrit të Financave në detyrë Asen Vasilev në vitin 2021.

"Rafineria është një element i infrastrukturës kritike për të cilën shteti ka angazhime në dobi të shoqërisë. Qëllimi është që ajo të vazhdojë aktivitetet e saj operative pa pengesa pas 21 nëntorit", tha Kryeministri Rosen Zheljazkov.

Ju kujtojmë se Presidenti Rumen Radev vuri veton ndaj ndryshimeve ligjore që lidhen me administratorin special, me arsyetimin se ai do të ishte në gjendje të dispononte aksionet dhe pjesëmarrjet në kapitalin e ndërmarrjeve të prekura pa kufizim, të shiste pronën e tyre dhe kontratat që ai lidh do të ishin jashtë kontrollit administrativ dhe gjyqësor. Vetoja u kapërcye nga parlamenti.

Lexoni më tepër në arkivin tonë:

• Parlamenti kapërceu veton e presidentit mbi ndryshimet që përkojnë “Lukoil”

• Komisioni për Energjetikë në Kuvendin Popullor hodhi poshtë veton presidenciale kundër menaxherit të posaçëm të “Lukoil”

• Presidenti vendosi veton ndaj ndryshimeve ligjore për menaxherin e veçantë në "Lukoil"

Redaktoi: Miglena Ivanova

Përgatiti në shqip dhe publikoi: Vesella Mançeva

Foto: BTA