Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ngrijnë buxhetin e vitit 2026, GERB është gati të menaxhojë me buxhetin e vjetër

Bojko Borisov
Foto: BTA

Kreu i GERB-it, Bojko Borisov, tha se nuk i pëlqen buxheti i vitit 2026 dhe se ai do të ngrihet. Duke folur për mediat në parlament, Borisov tha se "Këshilli për Menaxhim të Përbashkët" i formacioneve qeveritare, kryeministri dhe ministri i financave do të "gjejnë një formë ligjore pas leximit të parë për të tërhequr projektin".

"Derisa të rikthehet dialogu me Tripalëshin (shteti, sindikatat dhe punëdhënësit), derisa të gjithë të ulen dhe të kuptojnë se si do të menaxhohet, ne do të punojmë me buxhetin e vjetër", shpjegoi Borisov.

Kreu i GERB-it kujtoi se "gjatë udhëheqjes së Ministrit të Financave Asen Vasilev, buxheti nuk u miratua deri në gusht, kështu që nuk ka asgjë fatale".

I pyetur pse vendosi të ndërmarrë këto veprime në lidhje me buxhetin tani, Borisov vuri në dukje se edhe nëse një person proteston, ai përpiqet të dëgjojë atë që thotë. Disa nga kërkesat, tha ai, janë logjike dhe të arsyeshme. "Unë vetë kam punuar me dialog për dekada të tëra", theksoi ai.

Lidhur me mundësinë që vendi të hyjë në eurozonë pa buxhet, Borisov shpjegoi se kjo nuk ka fare rëndësi, sepse buxheti për vitin 2025 ka një deficit prej 3%, siç dëshiron Komisioni Europian.

Reagimi i partisë në pushtet vjen pas një proteste të opozitës me mijëra vetë përpara parlamentit.

Redaktoi: Ivo Ivanov

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Në Sheshin Qendror të Plovdivit do të hapet një qytet i Krishtlindjeve

Qyteti i dytë më i madh në Bullgari Plovdiv do të ofrojë koncerte, pazare dhe një park akulli për festat e Krishtlindjeve dhe të Vitit të Ri për qytetarët dhe mysafirët e tij, njoftoi bashkia. Tradicionalisht, kryetari i bashkisë Kostadin..

botuar më 25-11-27 5.40.PD

Parashikimi i motit për 27 nëntorin 2025

Të enjten , temperaturat minimale do të jenë nga 3 deri në 19°, në lindje deri në 15-19°, ndërsa në Sofje do të jetë rreth 6°. Gjatë ditës do të jetë me re dhe me shi. Shira të konsiderueshëm do të ketë që gjatë natës në Bullgarinë Perëndimore,..

botuar më 25-11-26 7.35.MD
Foto: Ambasada e Republikës së Bullgarisë në Moldavi / Facebook

Rajoni i Taraklia-s do të ruajë autonominë e tij

Autonomia e rajonit të Taraklia-s do të ruhet në kuadër të reformës së ardhshme të administratës shtetërore të Moldavisë. Këtë e siguroi kryeministri moldav Alexandru Munteanu në një takim me ambasadoren bullgare Maja Dobreva, raporton Ambasada e..

botuar më 25-11-26 5.52.MD